ନିମାପଡ଼ା,୦୬/୧୨: ସ୍କୁଟିକୁ ଧକ୍କା ଦେଇ ୨୦ ଫୁଟ ଦୂରକୁ ଭିଡ଼ି ନେଲା ଟ୍ରକ୍ । ଚାଲିଗଲା ମହିଳାଙ୍କ ଜୀବନ । ଦୁର୍ଘଟଣା କରି ଘଟଣା ସ୍ଥଳରୁ ଟ୍ରକ୍ ସହ ଡ୍ରାଇଭର ଚମ୍ପଟ । ପୁରୀ ଜିଲ୍ଲା ନିମାପଡ଼ା ଅଞ୍ଚଳର ତଳ ଅଣ୍ଢିଆ ଛକରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ମହିଳା ଜଣକ ସ୍କୁଟିରେ ଯାଉଥିବା ବେଳେ ଏକ ଟ୍ରକ୍ ଦ୍ରୁତ ଗତିରେ ଆସି ତାଙ୍କୁ ଧକ୍କା ଦେଇଥିଲା । ଗାଡ଼ି ଟିକୁ ଧକ୍କା ଦେଇ ୨୦ ଫୁଟ ଦୂରକୁ ଭିଡ଼ି ନେଇଥିଲା ଟ୍ରକ୍ । ଏହି ଦୁର୍ଘଟଣାରେ ମହିଳା ଜଣକ ଗୁରୁତର ଅବସ୍ଥାରେ ରାସ୍ତାରେ ପଡ଼ି ରହିଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚିଥିଲା । ସେଠାରେ ପହଞ୍ଚି ଗୁରୁତର ଅବସ୍ଥାରେ ମହିଳାଙ୍କୁ ଉଦ୍ଧାର କରି ନିମାପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅନ୍ୟପଟେ ଟ୍ରକ୍ ସହ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଥିବା ବେଳେ ପୋଲିସ ଘଟଣାର ତଦନ୍ତ ଚଳାଇଛି ।
