ବେଗୁନିଆପଡା,୧।୭ : ପୁଣି ଗଡ଼ିଲା ଗୋଟିଏ ମୁଣ୍ଡ। ପୂର୍ବ ଶତ୍ରୁତାକୁ ନେଇ ବିଭତ୍ସ ହତ୍ୟା। ସଂଘବଦ୍ଧ ଭାବେ ଯୁବକଙ୍କୁ ଖଣ୍ଡାରେ ହାଣିଲେ ଦୁର୍ବୃତ୍ତ। ବେଗୁନିଆପଡା ବ୍ଲକ ବରିଡା ପଞ୍ଚାୟତ ବି ନୁଆପଲି ଗ୍ରାମରେ ସୋମବାର ବିଳମ୍ବିତ ରାତ୍ରରେ ଏଭଳି ଏକ ହତ୍ୟାକାଣ୍ଡ ଘଟିଛି।
ବେଗୁନିଆପଡା ବ୍ଲକ କେ.ବରିଡା ପଞ୍ଚାୟତ ବି.ନୁଆପଲି ଗ୍ରାମର ନିରାକାର ଦାସଙ୍କୁ ସୋମବାର ବିଳମ୍ବିତ ରାତିରେ ଚାରି ରୁ ଉର୍ଦ୍ଧ୍ୱ ଦୁର୍ବୃତ୍ତ ଘରୁ ଡ଼ାକି ନେଇ ନିର୍ମମ ଭାବେ ହତ୍ୟା କରିଥିଲେ। ଖବର ପାଇ ବେଗୁନିଆପଡା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଛେଦ ନିମନ୍ତେ ପଠାଇବା ସହିତ ଛାନଭିନ ଜାରି ରଖିଛନ୍ତି। ଏଥିରେ ସମ୍ପୃକ୍ତି ସନ୍ଦେହରେ ତିନିଜଣଙ୍କୁ ଅଟକ ରଖି ପୁଲିସ ପଚରାଉଚରା କରୁଛି। ତେବେ ହତ୍ୟାର ନିର୍ଦ୍ଧିଷ୍ଟ କାରଣ ଜଣାପଡ଼ିନାହିଁ।
