ମୁମ୍ବାଇ,୩୧/୧୨:କାନ୍ନାଡ଼ା ସିନେ ସୁପରଷ୍ଟାର ୟଶ । ଆସନ୍ତା ଜାନୁଆରୀ ୮ ତାରିଖରେ ନିଜର ୩୯ ତମ ଜନ୍ମଦିନ ପାଳନ କରିବାକୁ ଯାଉଛନ୍ତି। ଯାହାକୁ ନେଇ ତାଙ୍କ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଏହାରି ମଧ୍ୟରେ ଅଭିନେତା ୟଶ୍ ତାଙ୍କ ଜନ୍ମଦିନ ପୂର୍ବରୁ ତାଙ୍କ ଫ୍ୟାନ୍ସଙ୍କୁ ନିବେଦନ କରିଛନ୍ତି। ଗତବର୍ଷ ୟଶଙ୍କ ଜନ୍ମଦିନ ଅବସରରେ ବ୍ୟାନର ଲଗାଇବା ଲଯୋଗୁ ବିଦ୍ୟୁତ୍ ଆଘାତରେ ଆସି ୩ ଜଣଙ୍କର ମୃତ୍ୟୁ ହୋଇଥିଲା। ସେହିପରି ନିକଟରେ ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା-୨ ପ୍ରିମିୟର ଶୋରେ ଦଳଚକଟା ହୋଇ ଜଣଙ୍କର ମୃତ୍ୟୁ ହୋଇଥିଲା । ଯାହାକୁ ନେଇ ୟଶ୍ ସୋସିଆଲ୍ ମିଡ଼ିଆରେ ଏକ ପୋଷ୍ଟ ସେୟାର କରି ଏହି ସବୁ ଘଟଣା ଦୁର୍ଭାଗ୍ୟଜନିତ କହିବା ସହ ଫ୍ୟାନ୍ସଙ୍କୁ ସୁରକ୍ଷିତ ରହିବାକୁ ସୂଚନା ଦେଇଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ,''ନୂଆ ବର୍ଷ ଆରମ୍ଭ ହେବାକୁ ଯାଉଛି। ଗତ କିଛି ବର୍ଷ ମଧ୍ୟରେ ମୋ ପ୍ରତି ଆପଣମାନଙ୍କ ଭଲପାଇବା ପ୍ରକୃତରେ ଆଶ୍ଚର୍ଯ୍ୟଜନକ । କିନ୍ତୁ କିଛି ଦୁର୍ଭାଗ୍ୟଜନକ ଘଟଣା ଯୋଗୁଁ ଅନେକ ପ୍ରାଣ ମଧ୍ୟ ହରାଇଛନ୍ତି ।ବିଶେଷତଃ ଯେତେବେଳେ ମୋର ଜନ୍ମଦିନ ପାଳନ କରିବାକୁ ଆସିବ ସେତେବେଳେ ଗ୍ରାଣ୍ଡ ଇଭେଣ୍ଟ ସହିତ ନୁହେଁ କେବଳ ଆପଣଙ୍କ ପ୍ରେମକୁ ପ୍ରକାଶ କରନ୍ତୁ । ମୋ ପାଇଁ ସବୁଠାରୁ ବଡ ଉପହାର ହେଉଛି ଆପଣମାନଙ୍କ ଭଲପାଇବା। ତେଣୁ ସମସ୍ତେ ନିରାପଦରେ ରୁହନ୍ତୁ । ମୁଁ ମୋ ଜନ୍ମଦିନ ସମୟରେ ସହର ବାହାରେ ସୁଟିଂରେ ବ୍ୟସ୍ତ ରହିଛି। ଆପଣ ସମସ୍ତଙ୍କୁ ୨୦୨୫ ର ଶୁଭେଚ୍ଛା।''
