ନୂଆଦିଲ୍ଲୀ,୦୪/୦୨: କର୍କଟ ବା କ୍ୟାନ୍ସର । ଏହି ରୋଗର ନାମ ଶୁଣିଲେ ମନରେ ଭୟ ଆସିଯାଏ । ରୋଗ ପରିବାର ମେରୁଦଣ୍ଡ ଭାଙ୍ଗିଦିଏ । ରୋଗରେ ଆକ୍ରାନ୍ତ ମନୋବଳ ହରାଇ ଦିଅନ୍ତି । ମାନସିକ ସ୍ତରର ଭାଙ୍ଗି ପଡନ୍ତି । ହେଲେ ଯିଏ ରୋଗ ସହ ଲଢେ ସେ ଜୀବନ ଯୁଦ୍ଧରେ ଜିତିଯାଏ । ଠିକ୍ ସମୟରେ କର୍କଟ ରୋଗର ଚିହ୍ନଟ ହୋଇପାରିଲେ ଚିକିତ୍ସାରେ ସହାୟକ ହୋଇଥାଏ । କ୍ୟାନ୍ସରକୁ ଠିକ୍ ସମୟରେ ଜାଣିବା ତା ସହ ଲଢିବାକୁ ମନୋବଳ ରହିବା ଦରକାର । ତେବେ ଯାଇ କ୍ୟାନ୍ସରକୁ ଜିତିପାରିବା । କେବେଳ ରୋଗ ନୁହେଁ ରୋଗୀର ସମ୍ପୂର୍ଣ୍ଣ ଚିକିତ୍ସାର ଆବଶ୍ୟକତା ରହିଛି । ଆଜି ବିଶ୍ବ କର୍କଟ ଦିବସ । କ୍ୟାନ୍ସରକୁ ନେଇ ସଚେତନତା ସୃଷ୍ଟି କରିବାକୁ ପ୍ରତିବର୍ଷ ପେବୃଆରୀ ୪ ତାରିଖକୁ ବିଶ୍ବ କର୍କଟ ଦିବସ ଭାବେ ପାଳନ ହୋଇ ଆସୁଛି । ଚଳିତ ବର୍ଷ ଥିମ୍ ରହିଛି ' ୟୁନାଇଡେଟ୍ ବାଏ ୟୁନିକ୍' ।
ଦେଶରେ ବର୍ତ୍ତମାନ ଏକ ପ୍ରମୁଖ ସ୍ବାସ୍ଥ୍ୟ ସମସ୍ୟା ଭାବେ ଉଭା ହୋଇ କ୍ୟାନ୍ସର । ବିଶ୍ବରେ କର୍କଟ ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ଏ ରୋଗ ଏକ ଆହ୍ବାନ ପାଲଟିଛି । କ୍ୟାନ୍ସର କାହାକୁ ବା କେତେବେଳେ ହୋଇପାରେ । କର୍କଟ ରୋଗ ବିଭିନ୍ନ ପ୍ରକାରର ରହିଛି । ରକ୍ତ କର୍କଟ, ଚର୍ମ କର୍କଟ, ସ୍ତନ କ୍ୟାନ୍ସର, ଗଳା କର୍କଟ, ମୁଖ କର୍କଟ ଆଦି ରହିଛି ।ଖାଦ୍ୟନଳୀ କର୍କଟ, ଫୁସଫୁସ କର୍କଟ, ଜରାୟୁ କର୍କଟ ଆଦି ପ୍ରକାର ଭେଦ ରହିଛି । ତମାଖୁ ସେବନ ଦ୍ବାରା ମୁଖଗହ୍ବର ହୋଇଥାଏ । ପ୍ରତିବର୍ଷ ଭାରତରେ ପ୍ରାୟ ୧୦ରୁ ୧୨ ଲକ୍ଷ କର୍କଟ ରୋଗୀ ଚିହ୍ନଟ ହୋଇଥାନ୍ତି ।୨୦୨୩ରେ ଭାରତରେ ୧୪,୯୬ ୯୭୨ କ୍ୟାନ୍ସର ମାମଲା ସାମ୍ନାକୁ ଆସିଥିଲା ।
ଉତ୍ତମ ଚିକିତ୍ସା ଓ ସଚେତନତା ଅଭାବରୁ ସେମାନଙ୍କ ମଧ୍ୟରୁ ପ୍ରାୟ ୮ ଲକ୍ଷ ରୋଗୀଙ୍କର ମୃତ୍ୟୁ ହୋଇଥାଏ । କର୍କଟ ରୋଗକୁ ପ୍ରାରମ୍ଭିକ ସମୟରେ ସଠିକ୍ ଭାବରେ ଚିହ୍ନି ପାରିଲେ ଉପଯୁକ୍ତ ଚିକିତ୍ସା ଯୋଗାଇ ଦିଆଗଲେ ଆରୋଗ୍ୟ ମିଳିଥାଏ ।
କର୍କଟ ରୋଗ ସମ୍ପର୍କରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାରୁ ପ୍ରତିବର୍ଷ ଫେବୃଆରୀ ୪ ତାରିଖରୁ ବିଶ୍ବ କର୍କଟ ଦିବସ ଭାବେ ପାଳନ କରାଯାଏ । ୨୦୦୦ ମସିହାରେ ପ୍ୟାରିସରେ ପ୍ରଥମଥର ଏହି ଦିବସ ପାଳନ ହୋଇଥିଲା । ୟୁନିୟନ ଫର୍ ଇଣ୍ଟରନ୍ୟାସନାଲ କ୍ୟାନ୍ସର କଣ୍ଟ୍ରୋଲ (UICC) ଏହାର ସ୍ଥାପନା କରିଥିଲା । ଏହି ଦିବସର ମୁଖ୍ୟ ଉଦ୍ଦେଶ୍ୟ ହେଉଛି ସଚେତନତା ସୃଷ୍ଟି କରିବା ସହ ଚିକିତ୍ସାକୁ ଅଧିକ ବ୍ୟାପକ ତଥା ସହଜ କରିବା ।
ଚଳିତବର୍ଷର ଥିମ୍- ବିଶ୍ବ କର୍କଟ ଦିବସ ନେଇ ଚଳିତବର୍ଷ ବିଷୟବସ୍ତୁ ରହିଛି 'ୟୁନାଇଡେଟ୍ ବାଏ ୟୁନିକ୍ ' ବା ଅନନ୍ୟତାର ଏକତା (United by unique) । କର୍କଟ ରୋଗୀଙ୍କ ବ୍ୟକ୍ତିଗତ ଯତ୍ନ ସହିତ ସହାନୁଭୂତି ଓ ଉତ୍ତମ ଚିକିତ୍ସା ଯୋଗାଇ ଦେବା ଆବଶ୍ୟକ ।
