ସାଲେପୁର, ୦୯/୧୦ : ରାସ୍ତାରେ ମଳତ୍ୟାଗ କରିବାରୁ କଙ୍ଗାରୁ କୋର୍ଟରେ ମହିଳାଙ୍କୁ ଅକଥନୀୟ ନିର୍ଯାତନା। ମନ୍ଦିର ଗ୍ରୀଲରେ ମହିଳାଙ୍କ ହାତ ବାନ୍ଧି ଦଣ୍ଡ ଦେଲେ ଗ୍ରାମବାସୀ। ସାଲେପୁର ବ୍ଲକ ଅନ୍ତର୍ଗତ ନଇଗୁଆ ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି। ଏହି ଘଟଣା ବେଳର ଭିଡିଓ ଭାଇରାଲ୍ ହେବାରେ ଲାଗିଛି।
ସୂଚନାନୁଯାୟୀ, ସାଲେପୁର ବ୍ଲକ ଅନ୍ତର୍ଗତ ନଇଗୁଆ ଗ୍ରାମର ଜଣେ ମହିଳା ପ୍ରତିଦିନ ସର୍ବସାଧାରଣ ସ୍ଥାନରେ ମଳତ୍ୟାଗ କରୁଥିଲେ। ଏନେଇ ଗ୍ରାମବାସୀମାନେ ତାଙ୍କୁ ବାରଣ କରିଆସୁଥିଲେ। ହେଲେ ବୁଧବାର ସକାଳୁ ମହିଳା ଜଣଙ୍କ ରାସ୍ତାରେ ପୁଣି ମଳତ୍ୟାଗ କରୁଥିବା ବେଳେ ଅନ୍ୟ ମହିଳାମାନେ ଏକତ୍ରିତ ହୋଇ ଉକ୍ତ ମହିଳାଙ୍କୁ ଧରି ମନ୍ଦିର ଗ୍ରୀଲରେ ବାନ୍ଧି ଦେଇଥିଲେ। ଗ୍ରାମବାସୀମାନେ ମହିଳାଙ୍କୁ କଙ୍ଗାରୁ କୋର୍ଟରେ ଦଣ୍ଡିତ କରିଥିଲେ। ଏହି ଘଟଣା ବେଳର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି। ଯାହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।
