ନୂଆଦିଲ୍ଲୀ,୨୮/୧୧: ଉତ୍ତରପ୍ରଦେଶର ବାରାଣାସୀ ସ୍ଥିତ ଜ୍ଞାନବ୍ୟାପୀ ମସଜିଦ ପରିସରର ବୈଜ୍ଞାନିକ ସର୍ଭେ ରିପୋର୍ଟର ଶେଷ ତାରିଖ ଆଜି ଅର୍ଥାତ୍ ମଙ୍ଗଳବାର। ଆଶା କରାଯାଉଛି ଯେ ଭାରତର ପ୍ରତ୍ନତତ୍ତ୍ୱ ସର୍ବେକ୍ଷଣ ବର୍ତ୍ତମାନ ବାରାଣାସୀ ଜିଲ୍ଲା କୋର୍ଟରେ ରିପୋର୍ଟ ଦାଖଲ କରିବେ। ୧୦୦ ଦିନିଆ ସର୍ଭେ ରିପୋର୍ଟର ଶେଷ ଦିନ ହେଉଛି ଆଜି। ଅବଶ୍ୟ ଏଏସ୍‌ଆଇ ଏହାକୁ ଅନେକ ଥର ବୃଦ୍ଧି କରିବାକୁ ଦାବି କରିଆସିଛି। 

ପଢ଼ନ୍ତୁ: ସେହି ବିପଜ୍ଜନକ ଡଙ୍କି ରୁଟ୍‌, ଯେଉଁଥିରେ ଯାଇଛି ଅନେକ ଲୋକଙ୍କ ଜୀବନ; ଏହି ରାସ୍ତାକୁ ଅତିକ୍ରମ କେତେ କଷ୍ଟକର?

ସୂଚନାଯୋଗ୍ୟ ଯେ, ପ୍ରାୟ ଏକ ମାସ ପୂର୍ବରୁ ଏହି ସର୍ଭେ ଶେଷ ହୋଇଥିଲା। ଏଏସଆଇ ଏହାର ରିପୋର୍ଟ ଦାଖଲ କରିବାକୁ ଅତିରିକ୍ତ ସମୟ ମାଗିଥିଲା। ଏହାର ଶେଷ ସମ୍ପ୍ରସାରଣ ନଭେମ୍ବର ୧୮ ରେ ଥିଲା, ସେତେବେଳେ ଏଏସଆଇ ଆଉ ୧୫ ଦିନ ସମୟ ମାଗିଥିଲା।ଯଦିଓ ଏଥିପାଇଁ କୋର୍ଟ କେବଳ ୧୦ ଦିନ ଅନୁମତି ଦେଇଥିଲେ। ଅଗଷ୍ଟ ୪ ତାରିଖରୁ ଏଏସଆଇ ଟିମ୍ ମସଜିଦ ପରିସର ଉପରେ ସର୍ଭେ କରିଥିଲେ। ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ସିଲ୍ ହୋଇଥିବା ଗର୍ଭଗୃହର ସେହି ଅଂଶ ଏଥିରେ ସାମିଲ କରାଯାଇନାହିଁ। 

ନଭେମ୍ବର ୨ରେ ଏଏସଆଇ କୋର୍ଟକୁ କହିଥିଲେ ଯେ ସର୍ଭେ ଶେଷ ହୋଇଛି କିନ୍ତୁ ସର୍ଭେରେ ବ୍ୟବହୃତ ଉପକରଣର ସବିଶେଷ ତଥ୍ୟ ସହିତ ରିପୋର୍ଟକୁ ସଂଲଗ୍ନ କରିବାକୁ ଅଧିକ ସମୟ ଆବଶ୍ୟକ ହେବ। ଏହା ପରେ ନଭେମ୍ବର ୧୭ ପର୍ଯ୍ୟନ୍ତ ଦସ୍ତାବିଜ ଦାଖଲ କରିବାକୁ କୋର୍ଟ ଅତିରିକ୍ତ ସମୟ ଦେଇଥିଲେ।

ପଢ଼ନ୍ତୁ: ଅବସରର ୩ ଦିନ ପୂର୍ବରୁ ଇଞ୍ଜିନିୟରଙ୍କ ବଦଳି, ରେଳବୋର୍ଡ ସଚିବଙ୍କୁ ଚିଠି ଲେଖି କହିଲେ ପାଗଳାମୀ

୨୧ ଜୁଲାଇରେ ସର୍ବେକ୍ଷଣ ପାଇଁ ଦେଇଥିଲେ ନିର୍ଦ୍ଦେଶ: 

ସୂଚନାଥାଉକି, ଜୁଲାଇ ୨୧ ରେ ବାରାଣାସୀର ଏକ କୋର୍ଟ ଚାରିଜଣ ମହିଳାଙ୍କ ଆବେଦନ ପରେ ଜ୍ଞାନବ୍ୟାପି ପରିସରରେ ସର୍ଭେ କରିବାକୁ ନିର୍ଦ୍ଦେଶ ଦେଇଥିଲେ। ଏହି ଆବେଦନକାରୀମାନେ ମନ୍ଦିରର ପଶ୍ଚିମ କାନ୍ଥ ପଛରେ ଅବସ୍ଥିତ ଶୃଙ୍ଗାର ଗୌରୀ ମନ୍ଦିରରେ ପୂଜା କରିବାକୁ ଅନୁମତି ମାଗିଥିଲେ। ଗତ ବର୍ଷ ଏପ୍ରିଲରେ କୋର୍ଟ ସେହି ଆବେଦନ ଆଧାରରେ ପରିସରର ଭିଡିଓ ସର୍ଭେ କରିବାକୁ ନିର୍ଦ୍ଦେଶ ଦେଇଥିଲେ। ମେ ମାସରେ କରାଯାଇଥିବା ସର୍ଭେରେ ଆବେଦନକାରୀମାନେ ଭୁଜୁଖାନା ବା ଗର୍ଭଗୃହରେ ଏକ ଶିବଲିଙ୍ଗ ପାଇଥିବାର ଦାବି କରିଥିଲେ। 

ଦକ୍ଷିଣପନ୍ଥି କାର୍ଯ୍ୟକର୍ତ୍ତାମାନେ ଦାବି କରିଥିଲେ ଯେ ପୂର୍ବରୁ ଏହି ସ୍ଥାନରେ ଏକ ମନ୍ଦିର ଥିଲା। ୧୭ ତମ ଶତାବ୍ଦୀରେ ମୋଗଲ ସମ୍ରାଟ ଔରଙ୍ଗଜେବଙ୍କ ନିର୍ଦ୍ଦେଶରେ ଏହାକୁ ଭାଙ୍ଗି ଦିଆଯାଇଥିଲା। ସୂଚନାଥାଉକି ଦୀର୍ଘ ଦିନ ଧରି ଆଲୋଚନା ହୋଇଆସୁଥିବା କାଶୀ ବିଶ୍ୱନାଥ ମନ୍ଦିର ନିକଟରେ ଜ୍ଞାନବ୍ୟାପୀ ମସଜିଦ ରହିଛି, ଯାହାକି ଅନେକ ସମୟ ଧରି ଚର୍ଚ୍ଚାରେ ରହିଆସିଛି।

You can also read: ବେଆଇନ ଭାବେ ୯୦୦ ଗର୍ଭନଷ୍ଟ ଅଭିଯୋଗ: ବନ୍ଧା ହେଲେ ଡାକ୍ତର ଓ ଟେକ୍ନିସିଆନ, ଅଲଟ୍ରାସାଉଣ୍ଡ ସ୍କାନ ମେସିନ ଜବତ