ମାଲକାନଗିରି/ଖଇରପୁଟ, ୩/୮(ଆପ୍ର )  : ଘରକୁ ଆସିଥିବା ବନ୍ଧୁଙ୍କୁ ମଦ ପିଇବାକୁ ଦେଇ  ଚର୍ଚ୍ଚା ନ କରିବାରୁ ପତ୍ନୀଙ୍କୁ ଛୁରୀ ଭୁସି ହତ୍ୟା କରିଛି ସ୍ୱାମୀ। ଏପରି ଘଟଣା ଘଟିଛି ମାଲକାନଗିରି ଜିଲ୍ଲା ଖଇରପୁଟ ବ୍ଲକସ୍ଥ ବଣ୍ଡାଘାଟି ମୁଦୁଲିପଡ଼ା ପଞ୍ଚାୟତ ବନ୍ଧଗୁଡା ଗ୍ରାମରେ।   ସ୍ବାମୀ ଧମ୍ପା ଧାଁଗଡା ମାଝୀଙ୍କ ଛୁରା ମାଡ଼ରେ ସ୍ତ୍ରୀ ବୁଦାଇ ଧାଙ୍ଗଡ଼ା ମାଝି (୩୭)ଙ୍କ ମୃତ୍ୟୁ ଘଟିଛି। 

 ଗୁରୁବାର ଜଙ୍ଗଲରୁ କରିଡ ସଂଗ୍ରହ କରି ଆସି ରାତିରେ ତାକୁ ତରକାରୀ କରି ପାଖ ଘରକୁ ଟିଭି ଦେଖୁବାକୁ ଯାଇଥିଲେ ସ୍ତ୍ରୀ ବୁଦାଇ। ସେହି ଗ୍ରାମର ଧମ୍ପାଙ୍କ ଜଣେ ସାଙ୍ଗ   ଆସିଥିଲେ ସେହି ରାତିରେ। ଅତିଥ୍ ସହିତ ମିଶିକି ରାତ୍ରି ଭୋଜନ କରିବାକୁ ବୁଦାଙ୍କୁ ଡାକି ଖାଇବାକୁ ଦେବାକୁ ସ୍ବାମୀ ଧମ୍ପା ଧାଙ୍ଗଡ଼ା ମାଝୀ କହିଥିଲେ।  ଦୁହିଁଙ୍କୁ ସ୍ତ୍ରୀ ବୁଦାଇ ଖାଇବାକୁ ଦେଇଥିଲେ। ଅତିଥିଙ୍କ ସତ୍କାର ପାଇଁ ମଦ ପିଇବାକୁ ଦେବାକୁ ଧମ୍ପା କହିଥିଲେ। ବୁଦାଇ କହିଥିଲେ ଯେ ସେ ସକାଳେ ମଦ ପିଇଦେଇ ଥିବାରୁ ଘରେ ଆଉ ମଦ ନାହିଁ । ମଦ ନଥିବାର ଜାଣି ଏତିକିରେ ଉଭ୍ୟକ୍ତ ହୋଇ ଏକ ଧାରୁଆ ଛୁରିରେ ଧମ୍ପା  ବୁଦାଇଙ୍କୁ ଆଘାତ କରିବାରୁ ତାଙ୍କର ମୃତ୍ୟୁ ହୋଇଥିଲା। ଏହି ଘଟଣା ଶୁକ୍ରବାର ଜଣା ପଡିବା ପରେ ମୁଡ଼ୁଲିପଡ଼ା ଥାନା ପୋଲିସ ବଣ୍ଡାଘାଟିରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ହସ୍ପିଟାଲକୁ ପଠାଇଛି।  ଧମ୍ପାଙ୍କୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି।