ଭୁବନେଶ୍ବର ୨୬/୦୩: ପୁଣି ଫେରିବ ତାତି। ୨୯ ରୁ ୩୧ ମାର୍ଚ୍ଚ ମଧ୍ୟରେ ଗ୍ରୀଷ୍ମ ପ୍ରବାହ ସମ୍ଭାବନା ରହିଛି। ଓଡିଶାର କିଛି ଅଞ୍ଚଳରେ ୨୯ ରୁ ୩୧ ମଧ୍ୟରେ ତାପମାତ୍ରା ୪୦ ଡ଼ିଗ୍ରୀ ଅତିକ୍ରମ ସହ ଗ୍ରୀଷ୍ମ ପ୍ରବାହ ସମ୍ଭାବନା ସୂଚନା ରହିଛି। ଏନେଇ ଆଞ୍ଚଳିକ ପାଣିପାଗ କେନ୍ଦ୍ର କହିଛି ଯେ, ୨୯ ରୁ ପୁଣି ଗ୍ରୀଷ୍ମ ପ୍ରବାହ ଜାରି ରହିବ। ଏଥିପାଇଁ ଅଭ୍ୟନ୍ତରୀଣ ଓଡ଼ିଶା ବିଶେଷ ପ୍ରଭାବିତ ହେବ। ଏନେଇ ୫ ଜିଲ୍ଲାକୁ ୟେଲୋ ଓ୍ବାର୍ଣିଂ ଜାରି ହୋଇଛି। ଏହି ଜିଲ୍ଲା ଗୁଡ଼ିକ ହେଲା ସୋନପୁର,ବଲାଙ୍ଗୀର,ବୌଦ୍ଧ, କଳାହାଣ୍ଡି ଏବଂ ସମ୍ବଲପୁର । ସେପଟେ ପାଣିପାଗ ବିଶେଷଜ୍ଞ କହିଛନ୍ତି,କି ମୁଖ୍ୟତଃ କେନ୍ଦ୍ରୀୟ ଓଡ଼ିଶା, ଦକ୍ଷିଣ ଓଡ଼ିଶା ସମେତ ଉତ୍ତର ଓଡ଼ିଶାର କିଛି ସ୍ଥାନରେ ମଧ୍ୟ କାଳ ବୈଶାଖୀ ବର୍ଷା ହୋଇପାରେ । ଅନ୍ୟ ପକ୍ଷରେ ଖରାକୁ ନଜରରେ ରଖି ଭୁବନେଶ୍ଵରର ବିଭିନ୍ନ ସ୍ଥାନରେ ଜଳଛତ୍ର ଖୋଲି ଲାଣି।