ନୂଆଦିଲ୍ଲୀ : ଇଂଜିନିୟର ଅତୁଲ ସୁଭାଷଙ୍କର ଆତ୍ମହତ୍ୟାକୁ ନେଇ ପୂରା ଦେଶ ଉତ୍ତେଜିତ। ଯୌତୁକ ନିର୍ଯାତନା, ଘରୋଇ ହିଂସା ଓ ଛାଡ଼ପତ୍ରର ଆଇନକୁ ନେଇ ଲୋକେ ସମୀକ୍ଷା କରିବାକୁ ଦାବି କରୁଛନ୍ତି। ଅତୁଲ ସୁଭାଷ ପତ୍ନୀ ନିକିତା ସିଂଘାନିଆ ଓ ତାଙ୍କ ପରିବାର ଉପରେ ଅନେକ ଅଭିଯୋଗ ଲଗାଇ ଜୀବନ ହାରିଛନ୍ତି। ୨୪ଟି ପୃଷ୍ଠାର ଚିଠି ଏବଂ ଏକ ଲମ୍ୱା ଭିଡ଼ିଓ ସେୟାର କରିବା ପରେ ଅତୁଲ ସୁଭାଷ ଏହି ଦୁନିଆକୁ ଅଲବିଦା କହି ଦେଇଛନ୍ତି। ଏବେ ତାଙ୍କର ମାତା-ପିତା ଓ ଭାଇଙ୍କର କାନ୍ଦି କାନ୍ଦି ଦୟନୀୟ ସ୍ଥିତି। ସେପଟେ ତାଙ୍କ ପିତା ପବନ ମୋଦିଙ୍କର କହିବାନୁସାରେ ,ସେମାନେ ବି ଏକ ଭୁଲ କରି ଦେଇ ଥିଲେ। ଏହି ଭୁଲ୍ଟି ହେଲା ବିନା ମଧ୍ୟସ୍ଥିରେ ବାହାଘର କରି ଦେଇ ଥିଲୁ।
ସେ କହିଛନ୍ତି , ବିବାହ ଡଟ୍ କମ୍ରୁ ଏହି ସମ୍ୱନ୍ଧ ମିଳିଥିଲା। ଏହି ପ୍ରକାରର ବାହାଘର କରିବା ଆମର ଭୁଲ୍ ଥିଲା। ବିନା କୌଣସି ମଧ୍ୟସ୍ଥି ଲୋକରେ ବିବାହ କରିବା ଭୁଲ୍ ଥିଲା। ପବନ ମୋଦି କହିଛନ୍ତି, ମୋ ପୁଅ କୋର୍ଟକୁ ଦୌଡ଼ି ଦୌଡ଼ି ଭାଙ୍ଗି ପଡ଼ି ଥିଲା। ମୁଁ ତ କହିବି ଏମିତି କେହି ଅତୁଲ ସୁଭାଷ ନହେଉ। ଏଥିପାଇଁ ସ୍ୱର ଉଠାଉଛି। ଗୋଟେ ପ୍ରକାରର ତାଙ୍କର କହିବାର ଥିଲା ଯେ, ସମାଜରେ ଜଣାଶୁଣା ବା କୌଣସି ପରିଚୟ ମାଧ୍ୟମରେ ସମ୍ୱନ୍ଧ ଆସି ଥାନ୍ତା ତ ବୋଧେ ଠିକ୍ ହୋଇ ଥାନ୍ତା। ଏହିପରି ବିବାହ ଡଟ୍ କମ୍ ମାଧ୍ୟମରେ ବିବାହ କରିବା ହିଁ ତାଙ୍କ ପାଇଁ ଘାତକ ରହିଛି। ସେ କହିଛନ୍ତି ତାଙ୍କର ବୋହୂ ନିକିତା ତ ପାଖାପାଖି ଗୋଟିଏ ଦିନ ପାଇଁ ବିହାରର ସମସ୍ତିପୁର ସ୍ଥିତ ଶ୍ୱଶୂରକୁ ଆସି ଥିଲେ। ଏହାପରେ ସେ ଝିଅ ଅତୁଲ ସୁଭାଷଙ୍କ ସହ ବେଙ୍ଗାଲୁରୁ ଚାଲି ଆସିଥିଲେ।
ପବନ ମୋଦି କହିଛନ୍ତି ଆମେ ତ ନିଜର ନାତିକୁ ଗୋଟିଏ ଦିନ ବି କୋଳରେ ଖେଳାଇ ନାହିଁ। ସେ ଆମର ପୁଅ ଉପରେ ଅତ୍ୟାଚାର କରୁ ଥିଲେ। ପବନ ମୋଦି କହିଛନ୍ତି ଯେ, ଆପଣ ହିଁ ଭାବନ୍ତୁ କି କିଏ ବେଙ୍ଗାଲୁରୁରୁ ଜୌନପୁର ପ୍ରତି ମାସରେ କେତେ ଚକ୍କର ଲଗାଇ ଥିବ। ପୁଅରୁ ଏସବୁ ସହିବାକୁ ପଡ଼ିଲା। ସେ କହିଛନ୍ତି ଯେ, ଆମର ଏଠାରେ ଆଇନ୍ ବ୍ୟବସ୍ଥା ଖୁବ୍ ଦୁର୍ବଳ। ଏଥିରେ ସୁଧାରର ଆବଶ୍ୟକତା ରହିଛି। ମୋର ପୁଅ ଅତୁଲ ମରି ଗଲା, କିନ୍ତୁ ଆଉ କେଉଁ ଅତୁଲ ସହ ଏମିତି ନହେଉ। ବାସ୍ ଏହା ଆମର ଇଚ୍ଛା ଏବଂ ଏଥିପାଇଁ ଦୁନିଆକୁ ନିଜ କଥା କହୁଛି।
ଅତୁଲଙ୍କ ପିତା କହିଛନ୍ତି କି, ତଳ କୋର୍ଟ ଠାରୁ ୪୦ ହଜାର ଭରଣ ପୋଷଣର ଆଦେଶ ପରେ ମଧ୍ୟ ନିକିତା ହାଇକୋର୍ଟରେ ଅପିଲ କରି ଥିଲେ। ସେଠାରେ ବି ପୁଅକୁ ବେଙ୍ଗାଲୁରୁ ଠାରୁ ଦୌଡ଼ି ଯିବାକୁ ପଡ଼ୁ ଥିଲା। ହତ୍ୟାର ପ୍ରୟାସ ଓ ଅନ୍ୟ ଗମ୍ଭୀର ଧାରାର ମୋକଦମା ନିକିତା କରି ଥିଲେ, ଯାହାକୁ ପରେ ଫେରେଇ ନେଇ ଥିଲେ। ସେ କହିଛନ୍ତି ଏହିସବୁ ପୂରା ମାମଲାରେ ନିକିତାଙ୍କ ମାଆଙ୍କର ବଡ଼ ଭୂମିକା ରହିଛି। ସେ ହିଁ ଝିଅକୁ ଭ୍ରମିତ କରୁ ଥିଲେ। ଆମକୁ ତ ସ୍ପଷ୍ଟ ଲାଗୁଛି କି, ଏହି ବିବାହ ଭୁଲ୍ ଥିଲା ଏବଂ ଆମେ ଫସିଗଲୁ।
