କୋରାପୁଟ, ୨୬/୧୨: ଭିଜିଲାନ୍ସ ଜାଲରେ ବୋରିଗୁମ୍ମା ଏଆର୍ଆଇ । କୁମୁଲି ସର୍କଲ ଏଆର୍ଆଇ ସୁରେନ୍ଦ୍ର ତନ୍ତିଙ୍କ ଘରେ ପଶିଲା ଭିଜିଲାନ୍ସ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ମୋଟ ୮ ଟି ସ୍ଥାନରେ ରେଡ୍ କରୁଛି ଭିଜିଲାନ୍ସ ଟିମ୍ ।
ଏହି ଚଢାଉରେ ୩ ଜଣ ଡିଏସ୍ପି, ୭ ଜଣ ଇନିସ୍ପେକ୍ଟର, ୫ ଜଣ ଏଏସ୍ଆଇଙ୍କ ସହ ଅନ୍ୟ ଅଧିକାରୀମାନେ ସାମିଲ ଅଛନ୍ତି । କୋରାପୁଟ ଜିଲ୍ଲା ଜୟପୁର ଅଞ୍ଚଳର ୮ ଟି ସ୍ଥାନରେ ରେଡ୍ ଚାଲିଛି । ବୋରିଗୁମ୍ମା ସ୍ଥିତ ଦୁଇ ମହଲା ବିଶିଷ୍ଟ ଘର, ବୋରିଗୁମ୍ମା ସ୍ଥିତ ଝିଅର ଭଡା ଘର, ବୋରିଗୁମ୍ମାରେ ନିଜ ଗାଁ ରଣସପୁର ସ୍ଥିତ ଘର ଏବଂ ତାଙ୍କ ସମ୍ପର୍କୀୟଙ୍କ ଘର, ବୋରିଗୁମ୍ମା ସ୍ଥିତ ଦୁଇ ମହଲା ବିଶିଷ୍ଟ ଆଉ ଏକ ସମ୍ପର୍କୀୟଙ୍କ ଘର, ବୋରିଗୁମ୍ମାର ଦୁଇ ମହଲା ବିଶିଷ୍ଟ ମାର୍କେଟ କମ୍ପ୍ଲେକ୍ସ, ସେହିଠାରେ ହିଁ ତାଙ୍କର ଆଉ ଏକ ଘର ଏବଂ କୁମୁଲି ସ୍ଥିତ ଅଫିସରେ ଭିଜିଲାନ୍ସ ଟିମ୍ ଚଢାଉ କରୁଛି ।
