ବୈପାରୀଗୁଡ଼ା, ୨୯।୧୨: ଗୁପ୍ତେଶ୍ୱର ପାଖ ସୁକୁନାଳ ପାଖରେ ବସ୍ ଦୁର୍ଘଟଣା । ବସ୍ରେ ୫୦ରୁ ଅଧିକ ଯାତ୍ରୀ ଥିବା ନେଇ ପୋଲିସ ସୂଚନା ଦେଇଛି । ସମସ୍ତ ଯାତ୍ରୀ କଟକ ଅଲିଶାବଜାର ବାସିନ୍ଦା ବୋଲି ଜଣାପଡ଼ିଛି । ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୨୦ ଜଣ ଗୁରୁତର ଆହତ ହୋଇଥିବା ଜଣାପଡ଼ିଛି । ଘଟଣାସ୍ଥଳରେ ପୋଲିସ, ବିଏସଏଫ୍, ବିଡିଓ ଓ ଫାୟାରର ସମସ୍ତ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । ଆହତଙ୍କୁ ଆମ୍ବୁଲାନ୍ସରେ ଡାକ୍ତରଖାନା ପଠାଯାଇଛି । ଭାରସାମ୍ୟ ହରାଇ ଏଭଳି ଦୁର୍ଘଟଣା ଘଟିଥିବା ଜଣାପଡ଼ିଛି ।
ବସ୍ଟି ଗୁପ୍ତେଶ୍ୱର ଶୈବପୀଠ ଯାଉଥିବା ପର୍ଯ୍ୟଟନସ୍ଥଳ ଯାଉଥିବା ବେଳେ ଏହି ଦୁର୍ଘଟଣାରେ ଘଟିଥିଲା । ଏପର୍ଯ୍ୟନ୍ତ ଗୋଟିଏ ଛୋଟ ଛୁଆଟିର ମର ଶରୀର ଉଦ୍ଧାର କରାଯାଇଥିବା ବେଳେ ବସ୍ ତଳେ ୩ ଜଣ ଚାପିହୋଇ ରହିଛନ୍ତି । ସେଥିମଧ୍ୟରୁ ଜଣେ ଡ୍ରାଇଭର, ୧୫ ବର୍ଷର ଝିଅ ଏବଂ ଜଣେ ମହିଳା ବୋଲି ଜଣାପଡ଼ିଛି । ବସ୍ଟି କଟକଠାରୁ ଗୁପ୍ତେଶ୍ୱର ଯାଉଥିବା ବେଳେ ରବିବାର ଭୋର ସକାଳ ସମୟରେ ଏହି ଦୁର୍ଘଟଣା ଘଟିଥିଲା ।
