ଲମତାପୁଟ, ୧୫/୧୨: ଜାଡ଼ରେ ଥରୁଛି ଲମତାପୁଟ ବ୍ଲକ୍ । ସପ୍ତାହେ ଧରି ମେଘୁଆ ପାଗ ସହ ବର୍ଷା ହେବା ପରେ ଶୀତ ପ୍ରକୋପ କମି ଯାଇଥିଲା । କିନ୍ତୁ ୩ଦିନ ହେବ ଶୀତ ପ୍ରକୋପ ବଡିବା ସହ ପାରଦ ଖସିବାରେ ଲାଗିଛି । ରବିବାର ୬ ଡିଗ୍ରୀ ତଳେ ପାରଦ ରହିଥିବା ବେଳେ ହାଡ଼ଭଙ୍ଗା ଶୀତ ଅନୁଭୂତ ହେଉଛି । ଦିନ ଦଶ ଟା ପର୍ଯ୍ୟନ୍ତ ସାରା ଅଞ୍ଚଳକୁ କୁହୁଡି ଢାଙ୍କି ରହୁଛି । ରାସ୍ତାରେ ୧୦ ମିଟର ଦୂରତା ପରେ କିଛିବି ଦେଖାଯାଉନି । ଲମତାପୁଟ- ଜୟପୁର ଏବଂ ଲମତାପୁଟ- ବିଶାଖାପାଟଣା ଯାତାୟତ କରୁଥିବା ଜାନବାହନ ବହୁ ଅସୁବିଧାର ସମୁଖୀନ ହେଉଛନ୍ତି । ଶୀତ ଛଡାଇବା ପାଇଁ ଚାହା ଦୋକାନରେ ଭିଡ଼ ଜମୁଥିବା ବେଳେ ପଡିଆରେ ବ୍ୟୟାମ କରି ଶୀତ ଛଡାଉଛନ୍ତି ଅଞ୍ଚଳ ବାସୀ ।
ଶୀତ ବଢିବା ପରେ ରାଜ୍ୟ ତଥା ରାଜ୍ୟ ବାହାରୁ ପର୍ଯ୍ୟଟକଙ୍କ ସୁଅ ଛୁଟୁଛି । କିନ୍ତୁ କୁହୁଡି ଏବଂ ପ୍ରବଳ ଶୀତ କାରଣରୁ ଖରା ବାହାରିବା ପରେ ହିଁ ପର୍ଯ୍ୟଟକ ବୁଲିବା ଆରମ୍ଭ କରୁଛନ୍ତି । ଚଳିତ ବର୍ଷ ଶୀତର ପ୍ରକୋପ କମ୍ ରହିଥିଲେ ମଧ୍ୟ ପର୍ଯ୍ୟଟକ ମାନେ ଏହାର ମଜା ନେବା ପାଇଁ ଭିଡ଼ ଜମାଉ ଥିବା ଦେଖିବାକୁ ମିଳିଛି ।
