ନୂଆଦିଲ୍ଲୀ: ମଧ୍ୟପ୍ରଦେଶ ବିଶ୍ୱବିଦ୍ୟାଳୟରେ ଏବେ କୁଳପତିଙ୍କୁ କୁଳଗୁରୁ କୁହାଯିବ । ସୋମବାର ଅନୁଷ୍ଠିତ କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି । ମଧ୍ୟପ୍ରଦେଶ ବିଶ୍ୱବିଦ୍ୟାଳୟ ସଂଶୋଧନ ବିଲ୍ ଅନୁମୋଦନ ହୋଇଛି । ଏଭଳି ପରିସ୍ଥିତିରେ ବର୍ତ୍ତମାନ ବିଶ୍ୱବିଦ୍ୟାଳୟର କୁଳପତିଙ୍କୁ କୁଳଗୁରୁ କୁହାଯିବ। ଏହାକୁ ନେଇ ମୁଖ୍ୟମନ୍ତ୍ରୀ ଡକ୍ଟର ମୋହନ ଯାଦବ କହିଛନ୍ତି ଯେ, ରାଜ୍ୟର ନାଗରିକଙ୍କ କଲ୍ୟାଣ ସହ ସେମାନଙ୍କୁ ସଂସ୍କୃତି ସହ ଜଡିତ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଉଛି । ନିରନ୍ତର ଭାବରେ ଏହିପରି ନିଷ୍ପତ୍ତି ନିଆଯାଉଥିବାରୁ ବିଭିନ୍ନ କ୍ଷେତ୍ରରେ ବ୍ୟବସ୍ଥା ସହ ଜଡିତ ଆବଶ୍ୟକୀୟ ସୁଧାର ବି ଆସିଛି।

ମୋହନ ଯାଦବ କହିଛନ୍ତି ଯେ, ଏହି କ୍ରମରେ ବିଶ୍ୱବିଦ୍ୟାଳୟର କୁଳପତିଙ୍କୁ କୁଳଗୁରୁ ଭାବରେ ସମ୍ବୋଧନ କରିବାକୁ ନିଷ୍ପତ୍ତି ନିଆଯାଇଛି । ଏହି ସମ୍ବୋଧନରେ ଆତ୍ମିୟତା, ସ୍ନେହ ଏବଂ ସମ୍ମାନର ଏକ ଭାବ ନୀହିତ ରହିଛି । ରାଜ୍ୟ ମନ୍ତ୍ରୀ ପରିଷଦ ଦ୍ବାରା ଏହି ନିଷ୍ପତ୍ତି ଗୁଡ଼ିକୁ ଅନୁମୋଦନ କରାଯାଇଛି । ସୂଚନାଥାଉକି, ମୁଖ୍ୟମନ୍ତ୍ରୀ ମୋହନ ଯାଦବ ରାଜ୍ୟରେ ଗୋଟିଏ ପରେ ଗୋଟିଏ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାରେ ବ୍ୟସ୍ତ ଅଛନ୍ତି । ଏହି ସମୟରେ, ମୋହନ ଯାଦବଙ୍କ ନିଷ୍ପତ୍ତିକୁ ଲୋକମାନେ ବହୁତ ପ୍ରଶଂସା କରୁଛନ୍ତି ।