ନୂଆଦିଲ୍ଲୀ, ୨୯/୬ : ସିଏମ ଯୋଗୀ ଆଦିତ୍ୟନାଥ ଶନିବାର ଲକ୍ଷ୍ନୌରେ ଏକ କାର୍ଯ୍ୟକ୍ରମ ସମୟରେ ରାଜ୍ୟର ମେଧାବୀ ଛାତ୍ର ଏବଂ ଛାତ୍ରୀଙ୍କ ସମ୍ମାନିତ କରିଛନ୍ତି । ୟୁପି  ବୋର୍ଡ଼ ୧୦ମର ଟପ୍ପର ପ୍ରାଚୀ ନିଗମ ବି ଏଥିରେ ସାମିଲ ଅଛନ୍ତି । ତାଙ୍କୁ ସାର୍ଟିଫିକେଟ, ଟ୍ୟାବଲେଟ ଏବଂ ୧ଲକ୍ଷ ଟଙ୍କାର ପୁରସ୍କାର ମିଳିଛି । ଯାହାକୁ ପାଇ ସେ ବହୁତ ଖୁସି ନଜର ଆସୁଛନ୍ତି । ସେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥକଙ୍କୁ ଧନ୍ୟବାଦ ଦେଇଛନ୍ତି ।

ୟୁପି ବୋର୍ଡ଼ରେ ୧୦ମର ଟପ୍ପର ରହିଥିବା ପ୍ରାଚୀ ନିଗମ ସୀତାପୁରର ସୀତା ବାଳ ବିଦ୍ୟା ମନ୍ଦିର ଇଣ୍ଟର କଲେଜର ଛାତ୍ରୀ ଅଟନ୍ତି । ସେ ୯୮.୫ପ୍ରତିଶତ ମାର୍କ ରଖି ରାଜ୍ୟର ଟପ୍ପର ହୋଇଥିଲେ, ତାଙ୍କ ସଫଳତାକୁ ଗୋଟିଏ ପଟେ ଲୋକେ ସଲାମ କରିଥିଲେ ତ ଅନ୍ୟପଟେ ଟ୍ରୋଲରମାନେ ମୁହଁରେ ଚୁଟିକୁ ନେଇ ତାଙ୍କୁ ଟ୍ରୋଲ୍ କରିଥିଲେ । ପ୍ରାଚୀ କିନ୍ତୁ ସେମାନଙ୍କୁ ଉଚିତ୍ ଜବାବ ଦେଇ ତାଙ୍କର ମୁହଁ ବନ୍ଦ କରି ଦେଇଥିଲେ । ପ୍ରାଚୀ କହିଥିଲେ କି, ଟ୍ରୋଲରଙ୍କୁ ତାଙ୍କ ଭାବନା ପାଇଁ ସ୍ବାଗତ, ସଫଳତା ହିଁ ମୋ ପରିଚୟ ଅଟେ ।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶନିବାର ଲୋକଭବନରେ ଆୟୋଜିତ କାର୍ଯ୍ୟକ୍ରମରେ ରାଜ୍ୟର ମେଧାବୀ ଛାତ୍ର ଏବଂ ଛାତ୍ରୀଙ୍କୁ ସମ୍ମାନୀତ କରିଛନ୍ତି । ହାଇସ୍କୁଲ ଏବଂ ଇଣ୍ଟରମିଡିଏଟର ମେରିଟରେ ସ୍ଥାନ ପକ୍କା କରିଥିବା ଛାତ୍ରଛାତ୍ରୀଙ୍କ ସଂଖ୍ୟା ପ୍ରାୟ ୧୭୦ ଅଟେ । ଯେଉଁଥିରେ ଛାତ୍ର ୫୮ଅଛନ୍ତି ଏବଂ ଛାତ୍ରୀ ୧୧୨ଅଛନ୍ତି ।