ନୂଆଦିଲ୍ଲୀ,୨୨/୧୨: ଦମଦାର ପ୍ରଦର୍ଶନ କରି ଅଣ୍ଡର-୧୯ ମହିଳା ଏସିଆ କପ୍ ଫାଇନାଲରେ ବାଜି ମାରି ନେଇଛି ଭାରତ । ଟ୍ରଫି ଟକ୍କରରେ ବାଂଲାଦେଶକୁ ୪୧ ରନରେ ପରାସ୍ତ କରି ଚମ୍ପିଆନ ହୋଇଛି ଟିମ୍ ଇଣ୍ଡିଆ । ଭାରତୀୟ ଦଳର ଏହା ପ୍ରଥମ ଏସିଆ କପ୍ ଟାଇଟଲ । ଭାରତ ପକ୍ଷରୁ ୫୨ ରନ କରିଥିବା ଜି ତ୍ରିଶା ପ୍ଲେୟାର ଅଫ୍ ଦି ମ୍ୟାଚ ଓ ପ୍ଲେୟାର ଅଫ୍ ଦି ସିରିଜ ବିବେଚିତ ହୋଇଛନ୍ତି ।

କୁଆଲାଲ୍ଲାପୁରର ବୟୁମାସ ଓବଲରେ ଖେଳାଯାଉଥିବା ଫାଇନାଲ ମ୍ୟାଚରେ ପ୍ରଥମେ ବ୍ୟାଟିଂ କରିଥିଲା ଭାରତ । ୨୦ ଓଭରରେ ୭ ୱିକେଟ ହରାଇ ୧୧୭ ରନ କରିଥିଲା ଟିମ୍ ଇଣ୍ଡିଆ । ଭାରତ ପକ୍ଷରୁ ଜି. ତ୍ରିଶା ସର୍ବାଧିକ ରନ କରିଥିଲେ । ୪୭ବଲରେ ୫୨ରନ (୫ଟି ଚୌକା ଓ ୨ଟି ଛକା) ପାଳି ଖେଳିଥିଲେ । ତ୍ରିଶାଙ୍କର ଏହି ଦମଦାର ପ୍ରଦର୍ଶନ ପାଇଁ ସେ ପ୍ଲେୟାର ଅଫ ଦି ମ୍ୟାଚ ସହ ପ୍ଲେୟାର ଅଫ୍ ଦି ସିରିଜ ବିବେଚିତ ହୋଇଛନ୍ତି । ଅନ୍ୟମାନଙ୍କ ମଧ୍ୟରେ ମିଥାଲି ବିନୋଦ ୧୭ରନ, ଅଧିନାୟିକା ନିକି ପ୍ରସାଦ ୧୨ ରନ ଓ ଆୟୁଷୀ ଶୁକ୍ଳା ୧୦ ରନ କରିଥିଲେ ।ବାଂଲାଦେଶକୁ ୧୧୮ରନର ଟାର୍ଗେଟ ଦେଇଥିଲା ଭାରତ । ଭାରତ ପାଇଁ ଏହି ଟୁର୍ଣ୍ଣାମେଣ୍ଟ ଦମଦାର ରହିଥିଲା । ଗ୍ରୁପ ମ୍ୟାଚରେ ପାରମ୍ପରିକ ପ୍ରତିନ୍ଦ୍ବନ୍ଦୀ ପାକିସ୍ତାନ, ନେପାଳ ଓ ଶ୍ରୀଲଙ୍କାକୁ ହରାଇ ଫାଇନାଲ ଟିକେଟ ହାତେଇଥିବା ଭାରତ । ପ୍ରଥମ ଏସିଆ କପ ଜିତି ଐତିହାସିକ ଉପଲବ୍ଧି ହାସଲ କରିଛି ଟିମ୍ ଇଣ୍ଡିଆ ।

𝗖.𝗛.𝗔.𝗠.𝗣.𝗜.𝗢.𝗡.𝗦 🏆

India Women U19 are the inaugural winners of the #ACCWomensU19AsiaCup 👏

Scoreboard ▶️ https://t.co/uREtAlBiiq#TeamIndia | #ACC | #Final pic.twitter.com/D1R6z6nENY

— BCCI Women (@BCCIWomen) December 22, 2024

୧୧୮ରନ ଟାର୍ଗେଟ ପିଛା କରି ବାଂଲାଦେଶ ଆରମ୍ଭରୁ ଟଳମଳ ହୋଇଥିଲା । ୧୦୦ ଛୁଇଁ ପାରିନଥିଲା ଦଳ । ଦଳୀୟ ସ୍କୋର ୭୬ରେ ବାଂଲାଦେଶ ଅଲଆଉଟ ହୋଇଥିଲା । ୪୧ରେ ପରାସ୍ତ ହୋଇଥିଲା ଦଳ । ବାଂଲାଦେଶର ୯ ଜଣ ବ୍ୟାଟ୍ସମ୍ୟାନ ଏକକ ଅଙ୍କ ରନ  କରିଥିଲେ । ଭାରତୀୟ ବୋଲରଙ୍କ ଜାଲରେ ଫସି ଯାଇଥିଲେ ବାଂଲାଦେଶ ବ୍ୟାଟର । ଦଳ ପକ୍ଷରୁ କେବଳ ୩୦ ବଲରେ ସର୍ବଧିକ ୨୨ ରନ କରିଛନ୍ତି ୱିକେଟ କିପର ଜୁଏରିୟା । ଭାରତ ପକ୍ଷରୁ ଆୟୁଷୀ ଶୁକ୍ଲା ସର୍ବାଧିକ ୩ଟି ୱିକେଟ ଅକ୍ତିଆର କରିଥିଲେ ।

For leading from the front and playing a vital innings of 52(47), Gongadi Trisha is awarded the Player of the Match 🏆

She is also the Player of the Series 👏

Scoreboard ▶️ https://t.co/uREtAlBiiq#TeamIndia | #ACC | #ACCWomensU19AsiaCup | #Final pic.twitter.com/zTVucqiPMF

— BCCI Women (@BCCIWomen) December 22, 2024