ନୂଆଦିଲ୍ଲୀ,୨୨/୧୨: ବର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜ ଚତୁର୍ଥ ଟେଷ୍ଟ ମ୍ୟାଚ ଆସନ୍ତା ୨୬ ତାରିଖରୁ ଆରମ୍ଭ ହେବ । ଏହା ପୂର୍ବରୁ ଭାରତକୁ ଝଟକା ଲାଗିଛି । ଚତୁର୍ଥ ଟେଷ୍ଟରୁ ବାଦ୍ ପଡିବେ ଅଧିନାୟକ ରୋହିତ ଶର୍ମା ଓ କେଏଲ ରାହୁଲ । ତାଙ୍କ ସ୍ଥାନରେ ଯଥାକ୍ରମେ ଧ୍ରୁବ ଜୁରେଲ ଓ ଅଭିମନ୍ୟୁ ଇଶ୍ବରନ ଏକାଦଶରେ ଖେଳିପାରନ୍ତି ।
ବିଟିଜି ୨୦୨୪-୨୫ର ଚତୁର୍ଥ ଟେଷ୍ଟ ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ ଖେଳାଯିବ। ଏହା ପୂର୍ବରୁ ଭାରତୀୟ ଦଳ ମେଲବର୍ଣ୍ଣରେ ପହଞ୍ଚି ଏମସିଜିରେ ଅଭ୍ୟାସ କରିଛି । ପ୍ରାକ୍ଟିସ ସମୟରେ ଅଧିନାୟକ ରୋହିତ ଶର୍ମା ଓ କେଏଲ ରାହୁଲ ଆହତ ହୋଇଛନ୍ତି । ତେଣୁ ଉଭୟ ଚତୁର୍ଥ ଟେଷ୍ଟରୁ ବାଦ ପଡିପାରନ୍ତି ବୋଲି ଚର୍ଚ୍ଚା ହେଉଛି । ତାଙ୍କ ସ୍ଥାନରେ ଯଥାକ୍ରମେ ଧ୍ରୁବ ଜୁରେଲ ଓ ଅଭିମନ୍ୟୁ ଇଶ୍ବରନଙ୍କୁ ଏକାଦଶରେ ସ୍ଥାନ ମିଳିପାରେ ।
ଦଳର ଦୁଇ ସିନିୟର ଖେଳାଳି ଆହତ ହେବା ଭାରତ ପାଇଁ ଚିନ୍ତାର କାରଣ ହୋଇଛି । ରୋହିତଙ୍କ ଗୋଡରେ ଆଘାତ ଲାଗିଥିବା ବେଳେ ରାହୁଲଙ୍କ ହାତରେ ଆଘାତ ଲାଗିଛି । ଆହତ କେତେ ଗମ୍ଭୀର ତାହା ଜଣାପଡିନାହିଁ । ରାହୁଲଙ୍କୁ ରିପ୍ଲେସ କରିବାକୁ ଭାରତ ପାଖରେ ଏକମାତ୍ର ବିକଳ୍ପ ଅଭିମନ୍ୟୁ ଇଶ୍ବରନ ଅଛନ୍ତି । ଘରୋଇ କ୍ରିକେଟରେ ଏହି ଖେଳାଳି ଲଗାତାର ରନ ବନେଇଛନ୍ତି । ତାଙ୍କୁ ଡେବ୍ୟୁର ସୁଯୋଗ ମିଳିନାହିଁ । ସେହିପରି ରୋହିତଙ୍କ ସ୍ଥାନରେ ଧ୍ରୁପ ଜୁରେଲ ଖେଳିବା ନେଇ ଏକମାତ୍ର ବିକଳ୍ପ ଅଛି । ସେ ୧୦୧ ଫାଷ୍ଟ କ୍ଲାସ ମ୍ୟାଚରେ ୭୬୭୪ରନ କରିଛନ୍ତି । ସେଥିରେ ୨୭ ଶତକ ଓ ୨୯ ଅର୍ଦ୍ଧଶିତକ ସାମିଲ ଅଛି ।
Melbourne, Australia: Border Gavaskar Trophy | On being asked about his and Indian Captain Rohit Sharma getting injured during the net practice at the MCG, Indian cricketer Akash Deep says, "Injuries happen when you play cricket...This is not a matter of concern"
— ANI (@ANI) December 22, 2024
ଅଭ୍ୟାସ ସମୟରେ ରୋହିତ ଆହତ ହେବାକୁ ନେଇ ଆକାଶ ଦୀପ କହିଛନ୍ତ, ପ୍ରାକ୍ଟିସ ସମୟରେ ଆହତ ସେବା ସ୍ବାଭାବିକ କଥା । ଏହାକୁ ନେଇ ଚିନ୍ତା କରିବାର କିଛି କାରଣ ନାହିଁ । ବର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜ ରୋହିତ ଶର୍ମା ପ୍ରଥମ ଟେଷ୍ଟ ଖେଳି ନଥିଲେ ମାତ୍ର ଦ୍ବିତୀୟ ଓ ତୃତୀୟ ଟେଷ୍ଟ ଖେଳିଥିଲେ ମାତ୍ର ତାଙ୍କ ବ୍ୟାଟ ଚାଲିନଥିଲା । କେଏଲ ରାହୁଲ ତୃତୀୟ ଟେଷ୍ଟରେ ଭଲ ପ୍ରଦର୍ଶନ କରିଥିଲେ । ବର୍ତ୍ତମାନ ଟେଷ୍ଟ ସିରିଜ ୧-୧ ସ୍ଥିତିରେ ରହିଛି । ଭାରତ ପର୍ଥ ଟେଷ୍ଟ ଜିତିଥିବା ବେଳେ ଅଷ୍ଟ୍ରେଲିଆ ଆଡିଲେଡ ଟେଷ୍ଟରେ ବାଜି ମାରି ନେଇଥିଲା । ଗାବାରେ ଖେଳା ଯାଉଥିବା ତୃତୀୟ ଟେଷ୍ଟ ବର୍ଷା ପାଇଁ ଡ୍ର ହୋଇଥିଲା ।
