ମେଲବୋର୍ଣ୍ଣ,୨୧।୧୨: ଭାରତୀୟ କ୍ରିକେଟ ଟିମ୍ ଅଷ୍ଟ୍ରେଲିଆ ଗସ୍ତରେ ଅଛନ୍ତି। ସେଠାରେ ଆୟୋଜକ ଟିମ୍ ବିପକ୍ଷରେ ୫ଟି ମ୍ୟାଚ୍ର ଟେଷ୍ଟ ସିରିଜ୍ରେ ବ୍ୟସ୍ତ ରହିଛି। ଟେଷ୍ଟ ସିରିଜ୍ର ପ୍ରଥମ ମୁକାବିଲା ପର୍ଥରେ ଖେଳାଯାଇଥିଲା, ଯାହାକୁ ଭାରତ ୨୯୫ ରନ୍ରେ ଜିତିଥିଲେ। ଏହାପରେ ଆଡିଲେଡ୍ ଟେଷ୍ଟରେ ଅଷ୍ଟ୍ରେଲିଆ ୧୦ ଓ୍ବିକେଟରେ ଜିତିଥିଲା। ଏହାପରେ ଗାବା ଟେଷ୍ଟ ଡ୍ର’ ରହିଥିଲା। ୫ ମ୍ୟାଚ୍ର ସିରିଜ୍ ବର୍ତ୍ତମାନ ୧-୧ ରେ ରହିଥିଲା। ଏବେ ଚତୁର୍ଥ ଟେଷ୍ଟ ମ୍ୟାଚ୍ ୨୬ ଡିସେମ୍ବରରୁ ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ ଖେଳାଯାଇଥିଲା।
ମେଲବର୍ଣ୍ଣ ଟେଷ୍ଟ ପାଇଁ ଭାରତୀୟ ଟିମ୍ ପ୍ରାକ୍ଟିସ୍ରେ ଲାଗି ରହିଛି। ୨୧ ଡିସେମ୍ବର(ଶନିବାର) ଭାରତୀୟ ଟିମ୍ର ଏମ୍ସିଜିରେ ପ୍ରଥମ ପ୍ରାକ୍ଟିସ୍ ସେସନ୍ ଥିଲା। ପ୍ରାକ୍ଟିସ୍ ସେସନ୍ ଭିତରେ ରବିନ୍ଦ୍ର ଜାଡେଜା ଗଣମାଧ୍ୟମକୁ ସମ୍ବୋଧିତ କରିଛନ୍ତି। ଜାଡେଜା ପ୍ରେସ୍ କନଫ୍ରେନ୍ସ ବେଳେ ହିନ୍ଦୀରେ ପ୍ରଶ୍ନର ଉତ୍ତର ଦେଇଥିଲେ। ପିସି ଶେଷରେ ଅଷ୍ଟ୍ରେଲିଆ ସାମ୍ବାଦିକ ଜାଡୋଜାଙ୍କୁ ଇଂରାଜୀରେ ପ୍ରଶ୍ନ ପଚାରିବାକୁ ଚାହିଁଥିଲେ, ତେବେ ଜାଡେଜା ପ୍ରେସ୍ କନଫ୍ରେନ୍ସ ଛାଡିବାର ନିଷ୍ପତ୍ତି ନେଇଥିଲେ ଓ କହିଥିଲେ ତାଙ୍କୁ ବସ୍ରେ ଯିବାର ଅଛି।
ସମୟ ଅଭାବନରୁ କିଛି ଭାରତୀୟ ସାମ୍ବାଧିକ ମଧ୍ୟ ପ୍ରଶ୍ନ ପଚାରି ପାରିନଥୀଲେ। ତେବେ ଅଷ୍ଟେ୍ରଲିଆ ମିଡିଆ ଜାଡେଜାଙ୍କ ଉପରେ ଅସନ୍ତୁଷ୍ଟ ଥିଲା। ଭାରତୀୟ ଟିମ୍ ମ୍ୟାନେଜର ମୌଲିନ ପାରେଖ ତାଙ୍କୁ ବୁଝାଇବାକୁ ଚେଷ୍ଟା କରିଥିଲେ ଏହି ପ୍ରେସ କନଫ୍ରେନ୍ସ କେବଳ ଭାରତୀୟ ଗଣମାଧ୍ୟମ ପାଇଁ ଥିଲା, କିନ୍ତୁ ଅଷ୍ଟ୍ରେଲୀୟ ମିଡିଆ ଏହି କଥାକୁ ଗ୍ରହଣ କରିନଥିଲା। କିଛି ଅଷ୍ଟ୍ରେଲୀୟ ସାମ୍ବାଦିକ ଟିମ୍ ଇଣ୍ଡିଆର ମିଡିଆ ମ୍ୟାନେଜର ମୌଲିନ୍ ପାରିଖଙ୍କ ଉପରେ ରାଗି ଯାଇଥିଲେ। ଏପରିକି ତାଙ୍କ ସହ ଖରାପ ବ୍ୟବହାର କରିଥିଲେ। ଏହା ପୂର୍ବରୁ ମଧ୍ୟ ବିରାଟ କୋହଲି ଓ ଅଷ୍ଟ୍ରେଲୀୟ ମହିଳା ସାମ୍ବାଦିକଙ୍କ ମଧ୍ୟରେ ଯୁକ୍ତିତର୍କ ହୋଇସାରିଛି।
