ନୂଆଦିଲ୍ଲୀ,୦୪/୦୨: ଦେବଭୂମି ଉତ୍ତରାଖଣ୍ଡ ପରେ ଗୁଜୁରାଟରେ ଖୁବଶୀଘ୍ର ଲାଗୁ ହେବାକୁ ଯାଉଛି ସମାନ ନାଗରିକ ସଂହିତା (ୟୁସିସି) । ଏ ନେଇ ୫ ସଦସ୍ୟ ବିଶିଷ୍ଟ କମିଟି ଘୋଷଣା କରିଛନ୍ତି ଗୁଜୁରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ । ଅବସରପ୍ରାପ୍ତ ସୁପ୍ରିମକୋର୍ଟ ବିଚାରପତି ରଞ୍ଜନା ଦେଶାଇ କିମିଟିର ଅଧ୍ୟକ୍ଷତା କରିବେ । ୟୁସିସି ଲାଗୁ ହେଲେ ଦେଶର ଦ୍ବିତୀୟ ରାଜ୍ୟ ହେବ ଗୁଜୁରାଟ ।
କମିଟି ଘୋଷଣା, ୪୫ଦିନରେ ଆସିବ ରିପୋର୍ଟ- ଗୁଜୁରାଟରେ ଖୁବଶୀଘ୍ର ୟୁସିସି ଲାଗୁ ନେଇ କମିଟି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ୍ । କମିଟିରେ ୫ ଜଣ ସଦସ୍ୟ ରହିଛନ୍ତି । ସେମାନେ ୟୁସିସି ଲାଗୁ ନେଇ ଡ୍ରାଫ୍ଟ ପ୍ରସ୍ତୁତ କରିବେ । କମିଟିର ଅଧକ୍ଷତା କରିବେ ସୁପ୍ରିମକୋର୍ଟ ଅବସରପ୍ରାପ୍ତ ବିଚାରପତି ରଞ୍ଜନା ଦେଶାଇ । ୪୫ ଦିନରେ ରାଜ୍ୟ ସରକାରଙ୍କୁ ରିପୋର୍ଟ ଦେବ କମିଟି । ରିପୋର୍ଟ ଆଧାରରେ ନିଷ୍ପତ୍ତି ନିଆଯିବ ।
ନିର୍ବାଚନୀ ଘୋଷଣାରେ ଥିଲା ସାମିଲ- ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ବିଜେପି ୨୦୨୨ ନିର୍ବାଚନ ଘୋଷଣାପତ୍ରରେ ସମାନ ନାଗରିକ ସଂହିତାକୁ ସାମିଲ କରିଥିଲା । ଏବେ କମିଟି ଗଠନ କରି ୟୁସିସି ସମ୍ବର୍ଦ୍ଧରେ ଜନତାଙ୍କ ପରାମର୍ଶ ମାରିବେ ସରକାର । ଏହା ପରେ କମିଟିର ନିର୍ଣ୍ଣୟ ଆଧାରରେ ୟୁସିସି ଲାଗୁ ହେବ । ସମାନ ନାରରିକ ସଂହିତାରେ ବ୍ୟକ୍ତିଗତ ଆଇନରେ ସବୁ ନାଗରିକଙ୍କ ଉପରେ ଲାଗୁ ହେବ । ସେ ଧର୍ମ ହେଉ କି ଲିଙ୍ଗ ସବୁଥିରେ ସମାନ ନିୟମ ରହିବ ।
#WATCH | Gujarat CM Bhupendra Patel says, "To prepare the draft for Uniform Civil Code (UCC) and make the law, a 5-member committee under the chairmanship of retired Supreme Court judge Ranjana Desai has been constituted. The committee will submit its report to the state… pic.twitter.com/UbVRSL1lfx
— ANI (@ANI) February 4, 2025
ପ୍ରକାଶ ଥାଉ କି, ଗତ ଜାନୁଆରୀ ୨୭ ତାରଖରୁ ଉତ୍ତରାଖଣ୍ଡରେ ସମାନ ନାଗରିକ ସଂହିତା (UCC) ଲାଗୁ ହୋଇଛି । ଦେଶରେ ପ୍ରଥମ ରାଜ୍ୟ ଭାବେ ସମାନ ନାଗରିକ ସଂହିତା ଲାଗୁ କରିଥିଲା ଉତ୍ତରାଖଣ୍ଡ । ଏହି ନିୟମ ଲାଗୁ ହେବା ପରେ ଲିଭ୍-ଇନ୍ ରିଲେସନ୍, ବିବାହ, ବହୁବିବାହ, ଛାଡ଼ପତ୍ର, ସମ୍ପତ୍ତିଗତ ଅଧିକାରରେ ବହୁ ନିୟମରେ ପରିବର୍ତ୍ତନ ହୋଇଥିଲା । ବିବାହ ରେଜିଷ୍ଟ୍ରେସନ କରିବା ବାଧ୍ୟତାମୂଳକ ହେବା ସହ ସବୁ ଧର୍ମରେ ଛାଡ଼ପତ୍ର ଆଇନ ସମାନ ହୋଇଛି । ବହୁବିବାହ ଏବଂ ହଲାଲା ପ୍ରଥା ବନ୍ଦ ହେବ । ଲିଭ୍-ଇନ୍ ରିଲେସନସିପ୍ରେ ରହିଲେ ରେଜିଷ୍ଟ୍ରେସନ କରିବା ବାଧ୍ୟତାମୂଳକ ହେବା ଭଳି ନିୟମ ରହିଛି ।
