ଭୋଗରାଇ ୧୪/୦୮: ଦୀଘା ସମୁଦ୍ରରେ ଅଘଟଣ । ଗାଧୋଇବା ବେଳେ ଭାସିଗଲେ ଦୁଇ ପର୍ଯ୍ୟଟକ । ସମୁଦ୍ରରୁ ଜଣଙ୍କୁ ଉଦ୍ଧାର କଲେ ସ୍ଥାନୀୟ ପୁଲିସ। ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି। ଏବେ ବି ଅନ୍ୟ ଜଣେ ପର୍ଯ୍ୟଟକ ନିଖୋଜ ଅଛନ୍ତି। ତାଙ୍କୁ ରେସ୍କ୍ୟୁ ପାଇଁ ଅପରେସନ୍ ଜାରି ରହିଛି। ତେବେ ବର୍ତ୍ତମାନ ସୁଦ୍ଧା ପର୍ଯ୍ୟଟଙ୍କ ପରିଚୟ ମିଳିପାରିନାହିଁ।
ସୂଚନା ଅନୁଯାୟୀ, ଗୁରୁବାର ଅପରାହ୍ନରେ ବାଲେଶ୍ୱର ନିକଟରେ ଥିବା ଦୀଘା ସମୁଦ୍ରରେ କିଛି ପର୍ଯ୍ୟଟକ ଗାଧୋଉଥିଲେ। ଏହି ସମୟରେ ହଠାତ୍ ବଡ଼ ବଡ ଢ଼େଉ ମାଡ଼ିଆସିଥିଲା । ଦେଖୁ ଦେଖୁ ଦୁଇ ଜଣ ପର୍ଯ୍ୟଟକଙ୍କୁ ସମୁଦ୍ରକୁ ଟାଣିନେଇଥିଲା। ଗଭୀର ସମୁଦ୍ରରେ ପର୍ଯ୍ୟଟକ ନିଖୋଜ ହୋଇଯାଇଥିଲେ। ସ୍ଥାନୀୟଲୋକ ଲାଇଫ୍ ଗାର୍ଡ ଏବଂ ପୁଲିସକୁ ସୂଚନା ଦେଇଥିଲେ । ପର୍ଯ୍ୟଟକଙ୍କୁ ଉଦ୍ଧାର ପାଇଁ ଉଦ୍ୟମ ଆରମ୍ଭ ହୋଇଥିଲା। କିଛି ସମୟର ଖୋଜା ଖୋଜି ପରେ ଜଣେ ପର୍ଯ୍ୟଟକ ଉଦ୍ଧାର ହୋଇଥିବା ବେଳେ ଆଉ ଜଣଙ୍କର ପତ୍ତା ମିିଳିପାରିନାହିଁ ।
