ପାଟଣାଗଡ଼, ୧୪/୮ : ୫ ଦଫା ଦାବି ନେଇ ବଲାଙ୍ଗୀର ଜିଲ୍ଲା ପାଟଣାଗଡ଼ ଏନଏସି କାର୍ଯ୍ୟାଳୟ ସମ୍ମୁଖରେ ଅବସରପ୍ରାପ୍ତ କର୍ମଚାରୀଙ୍କ ଧାରଣା। ଆଗାମୀ ଦିନରେ ଦାବି ପୂରଣ ନହେଲେ ଅନିର୍ଦ୍ଦିଷ୍ଟ କାଳ ପାଇଁ ଧାରଣା ଚେତାବନୀ। ଅବସରପ୍ରାପ୍ତ କର୍ମଚାରୀମାନଙ୍କ ଗ୍ରାଚ୍ୟୁଟି, ପ୍ରୋଭିଜିନାଲ ପେନସନ, ଏରିଅର ଓ ଲିପ୍ ଦରମା ଏଯାଏଁ ମିଳିନାହିଁ। ଯାହାକୁ ନେଇ ସେମାନେ ବାରମ୍ବାର ଅଫିସକୁ ଦୌଡ଼ି ଦୌଡ଼ି ନୟାନ୍ତ ହୋଇଗଲେଣି।
ସୂଚନାନୁଯାୟୀ, ୨୦୧୭ ମସିହା ଠାରୁ ୨୫ ମସିହା ପର୍ଯ୍ୟନ୍ତ ପାଟଣାଗଡ଼ ଏନଏସିରେ ଯେଉଁ କାର୍ଯ୍ୟରତ କର୍ମଚାରୀମାନେ ଅବସର ନେଇଛନ୍ତି ସେମାନଙ୍କର ବକେୟା ପାଉଣା ପାଇନାହାଁନ୍ତି। ଅବସରପ୍ରାପ୍ତ କର୍ମଚାରୀମାନଙ୍କ ଗ୍ରାଚ୍ୟୁଟି, ପ୍ରୋଭିଜିନାଲ ପେନସନ, ଏରିଅର ଓ ଲିପ୍ ଦରମା ଏଯାଏଁ ମିଳିନାହିଁ। ଏପରିକି ଏନଏସି କାର୍ଯ୍ୟାଳୟରେ କାର୍ଯ୍ୟରତ ଜୈନିକ ସରକାରୀ କର୍ମଚାରୀ କିଛି ଅବସରପ୍ରାପ୍ତ କର୍ମଚାରୀଙ୍କ ଠାରୁ ଲକ୍ଷାଧିକ ଟଙ୍କା ଲାଞ୍ଚ ନେବାପରେ ମଧ୍ୟ ସେମାନଙ୍କୁ ହଇରାଣ କରୁଛନ୍ତି। ଏନେଇ ଅଭିଯୋଗ କରିଥିଲେ ସୁଦ୍ଧା କାର୍ଯ୍ୟାନୁଷ୍ଠାନ ହେଉନି।
ଏପରିକି ଲାଞ୍ଚ ନିଆଦିଆ ଘଟଣାକୁ ନେଇ ଗତ ଅଗଷ୍ଟ ୨ରେ ଜୈନିକ ଅବସରପ୍ରାପ୍ତ କର୍ମଚାରୀ ଓ ସିନିୟର ଆସିଷ୍ଟାଣ୍ଟ ମୁହାଁମୁହିଁ ହୋଇଥିବା ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ତେବେ ଅବସରପ୍ରାପ୍ତ କର୍ମଚାରୀମାନଙ୍କ ଦାବି ପୂରଣ ନହେବା ପର୍ଯ୍ୟନ୍ତ ସେମାନେ ଅନିର୍ଦ୍ଦିଷ୍ଟ କାଳ ପାଇଁ ଧାରଣା ଜାରି ରଖିବେ ବୋଲି ଚେତାବନୀ ଦେଇଛନ୍ତି। ଏଥିପ୍ରତି ରାଜ୍ୟ ସରକାର ଦୃଷ୍ଟି ଦେବାକୁ ସେମାନେ ଦାବି କରିଛନ୍ତି।
