ନୂଆପଡା,୨୬।୧୨ ; ଜାତୀୟ ରାଜପଥ ୩୫୩ ଉଦ୍ୟାନବନ୍ଧ ଖମାରି ପେଟ୍ରୋଲ ପମ୍ପ ନିକଟରେ ସଡ଼କ ଦୁର୍ଘଟଣା। ଟ୍ରକ ଚାପା ରେ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ। ମୃତକ ଜଣକ ହେଲେ ସ୍ଥାନୀୟ କୁମୁଟିମୁଣ୍ଡା ଗ୍ରାମର ଅଲେଖ ବଘେଲ। ମୃତକଙ୍କ ପରିବାରଙ୍କୁ କ୍ଷତି ପୂରଣ ଦାବୀରେ ଜାତୀୟ ରାଜପଥ ୩୫୩ ଅବରୋଧ କରିଛନ୍ତି ସ୍ଥାନୀୟ ଲୋକେ । ଘଟଣା ସ୍ଥଳରେ କୋମନା ତହସିଲଦାର ଓ ପୋଲିସ ପହଞ୍ଚି ବୁଝା ସୁଝା କରୁଥିବା ବେଳେ ମୃତ ପରିବାରଙ୍କୁ କୋଡିଏ ଲକ୍ଷ ଦାବିରେ ରାସ୍ତାରୁ ହଟୁ ନାହାନ୍ତି ଉତ୍ତ୍ୟକ୍ତ ଲୋକେ । ରାସ୍ତା ଅବରୋଧ ପରେ ଯାତାୟତ ବାଧାପ୍ରାପ୍ତ ହୋଇଛି।
ଉଦ୍ୟାନବନ୍ଧ ପାଖରେ ଥିବା ଖମାରୀ ପେଟ୍ରୋଲ ପମ୍ପ ସାମ୍ନାରେ ଗାଡ଼ି ଧରି ଅଲେଖ ଠିଆ ହୋଇଥିଲେ। ଏହି ସମୟରେ ସାମ୍ନା ପଟୁ ଆସୁଥିବା ଏକ ଟ୍ରକ ଭୁଲ ରାସ୍ତାକୁ ଆସି ବାଇକ ଆରୋହୀଙ୍କୁ ଧକ୍କା ଦେବା ସହ କିଛି ଦୂର ଘୋଷାଡ଼ି ନେଇଥିଲା। ଯାହା ଫଳରେ ବୃଦ୍ଧ ଜଣକଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା। ତେବେ ଦୁର୍ଘଟଣା ପରେ ଟ୍ରକ ରଖି ଗାଡି ଚାଳକ ଫେରାର ହୋଇଯାଇଛି ।
