ନୂଆପଡ଼ା, ୨୨/୦୧: ନକ୍ସଲମୁକ୍ତ ଭାରତ ଦିଗରେ ସୁରକ୍ଷା ବହିନୀକୁ ବଡ଼ ସଫଳତା ମିଳିଛି । ଓଡିଶା ଛତିଶଗଡ ସୀମାନ୍ତବର୍ତ୍ତୀ କୁଲାଡୀଘାଟ ଭାଲୁଡିଗୀ ଜଙ୍ଗଲରେ ଦୁଇ ଦିନରେ ୨୭ ଜଣ ମାଓବାଦୀ ନିହତ ହୋଇଛନ୍ତି । ସେଥିପାଇଁ ବୁଧବାର ନୂଆପଡା ଜିଲ୍ଲାକୁ ଗସ୍ତ କରିବେ ଓଡିଶା ପୋଲିସ ମହା ନିର୍ଦ୍ଦେଶକ ୱାଇ ବି ଖୁରାନିଆ। ନୂଆପଡାରେ ପହଞ୍ଚି ସ୍ଥିତି ପରଖିବା ସହ ଜିଲ୍ଲା ପୋଲିସ ଆଧିକାରୀଙ୍କ ସହ ଅଧିକ ଆଲୋଚନା କରିବେ ।
ଉଭୟ ଛତିଶଗଡ ଓ ଓଡିଶା ରାଜ୍ୟର ଗରିଆବନ୍ଧ ଓ ନୂଆପଡା ସୁରକ୍ଷା ବାହିନୀ ପକ୍ଷରୁ ଆରମ୍ଭ ହୋଇ ଥିବା କୁମ୍ୱିଂ ଅପରେସନରେ ୩୬ ଘଣ୍ଟା ପରେ ନୂଆପଡା ଏସ୍ଓଜି ଟିମ୍ ଏବଂ ଗରିଆବନ୍ଧ ସୁରକ୍ଷା ବାହିନୀ ୨୭ ଜଣଙ୍କ ମଧ୍ୟରୁ ମୋଟ ୧୭ ଜଣଙ୍କ ମୃତଦେହ ଠାବ କରିଥିଲେ । ସର୍ଚ୍ଚ ଅପରେସନ ବର୍ତ୍ତମାନ ମଧ୍ୟ ଚାଲୁ ରହିଥିବା ବେଳେ ଆହୁରି ନକ୍ସଲି ମୃତଦେହ ଠାବ ହେବା ନେଇ ଅନୁମାନ କରାଯାଉଛି । ଏହି ସର୍ଚ୍ଚ ଅପରେସନ୍ରେ ବିପୁଳ ପରିମାଣର ଅସ୍ତ୍ର ଶସ୍ତ୍ର ମଧ୍ୟ ଜବତ କରାଯାଇଛି । ଏହି କାରଣରୁ ନୂଆପଡା ଜିଲ୍ଲାକୁ ବୁଧବାର ଗସ୍ତ କରିବେ ନୂଆପଡା ଓଡିଶା ଡିଜିପି ୱାଇ ବି ଖୁରାନିଆ । ସେଠାରେ ପହଞ୍ଚି ସର୍ଚ୍ଚ ଅପରେସନ୍ର ସ୍ଥିତି ପରଖିବା ସହ ଜିଲ୍ଲା ପୋଲିସ ଆଧିକାରୀଙ୍କ ସହ ଏହି ଘଟଣା ସମ୍ପର୍ତରେ ଅଧିକ ଆଲୋଚନା କରିବେ ।
