ଗୋପାଳପୁର ୩/୫ : ଗୋପାଳପୁର ଥାନା ଅନ୍ତର୍ଗତ ଗଉଞ୍ଜୁ ଗ୍ରାମରେ ଦୁର୍ବୃତ୍ତ ମାନେ ଏକ ଟ୍ରାକ୍ଟରକୁ ପୋଡି  ଦେଇଥିବା ନେଇ ଥାନାରେ ଅଭିଯୋଗ ହୋଇଛି l 

ସେହି ଗ୍ରାମର ଧୋବା ସାହିର ବୃନ୍ଦାବନ ସେଠୀଙ୍କ ଟ୍ରାକ୍ଟରଟି ଦୀର୍ଘ ୮ ବର୍ଷ ହେଲା ନିଜ ଖଳାରେ ରହି ଆସୁଥିଲା l ଶୁକ୍ରବାର ଟ୍ରାକ୍ଟର କାମ ସାରି ଖଳାରେ ରହିଥିଲା l ମଧ୍ୟ ରାତ୍ରରେ କୌଣସି ଏକ ଦୁର୍ବୃତ୍ତ ଟ୍ରାକ୍ଟରରେ ନିଆଁ ଲଗାଇ ଦେଇଛି l ଶନିବାର ସକାଳେ ଖଳାକୁ ଯାଇ ଦେଖିବା ବେଳକୁ ଟ୍ରାକ୍ଟର (ନମ୍ବର ଓଡି ୦୭ ଏମ ୮୦୨୫) ଗାଡ଼ି ଜଳି ପାଉଁଶ ହୋଇ ଯାଇଛି। ଏ  ନେଇ ଗାଡ଼ି ମାଲିକ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ଏକ ମାମଲା ରୁଜୁ କରି ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ସୂଚନା ଦେଇଛନ୍ତି l