ଭୁବନେଶ୍ୱର, ୦୩/୦୫: କୋଠ ହିସାବକୁ କେନ୍ଦ୍ର କରି ଫୁଲଟା ଗ୍ରାମର ପୂର୍ବ ସାହି ଓ ବେଣୁ ସାହି ମଧ୍ୟରେ ଗୋଷ୍ଠୀ ବିବାଦ । ଉଭୟ ଗୋଷ୍ଠୀର ସଦସ୍ୟମାନେ ଫୁଲଟା ଗ୍ରାମରେ ଏକାଥରକେ କରିଲେ ବୋମାମାଡ। ସ୍ଥିତି ନିୟନ୍ତ୍ରଣ ପାଇଁ ଗାଁରେ ଦୁଇ ପ୍ଲାଟୁନ ପୋଲିସ ମୁତୟନ । ଏନେଇ ଥାନା ଅଧିକାରୀ କୃଷ୍ଣ ସାହା ସୂଚନା ଦେଇଛନ୍ତି । ଗଞ୍ଜାମ ଜିଲ୍ଲା ବ୍ରହ୍ମପୁର ଅଞ୍ଚଳର ନିମଖଣ୍ଡି ଥାନା ଅନ୍ତର୍ଗତ ଫୁଲଟା ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କୋଠ ହିସାବକୁ କେନ୍ଦ୍ର କରି ଫୁଲଟା ଗ୍ରାମର ପୂର୍ବ ସାହି ଓ ବେଣୁ ସାହି ମଧ୍ୟରେ ଗୋଷ୍ଠୀ ବିବାଦ ଲାଗି ରଖିଛି । ଏହି କାରଣରୁ ଉଭୟ ଗୋଷ୍ଠୀର ସଦସ୍ୟମାନେ ଫୁଲଟା ଗ୍ରାମରେ ଏକାଥରକେ ବୋମାମାଡ କରିଥିଲେ । ଶୁକକ୍ରବାର ରାତି ସାଢେ ୮ଟା ବେଳେ ଉକ୍ତ ଗ୍ରାମରେ ୩ଟି ବୋମାମାଡ଼ ହୋଇଥିଲା । ସେଥି ମଧ୍ୟରୁ ଦୁଇଟି ବୋମା ଫୁଟିଥିବା ବେଳେ ଗୋଟିଏ ବୋମା ଫୁଟି ନଥିଲା । ଏନେଇ ଖବର ପାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚିଛି । ଗାଁରେ ସ୍ଥିତି ନିୟନ୍ତ୍ରଣ କରିବା ପାଇଁ ଦୁଇ ପ୍ଲାଟୁନ ପୋଲିସ ମୁତୟନ ରହିଥିବା ଥାନା ଅଧିକାରୀ କୃଷ୍ଣ ସାହା ସୂଚନା ଦେଇଛନ୍ତି । ଏନେଇ ପୋଲିସ ନିଜ ଆଡୁ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ସେ କହିଛନ୍ତି ।
