ଦିସପୁର: ଆସାମର ବଡ଼ ଧରଣର ଡ୍ରଗ୍ସ କାରବାର ବିରୋଧରେ କାର୍ଯ୍ୟାନୁଷ୍ଠାନ ନେଇଛି ପୋଲିସ । ରାଜ୍ୟର ବିଭିନ୍ନ ସ୍ଥାନରେ ଚଢ଼ାଉ କରି ୧୯ କୋଟି ଟଙ୍କାର ହେରୋଇନ୍‌ ଜବତ କରାଯାଇଥିବା ବେଳେ ୬ ଜଣଙ୍କୁ ଗିରଫ କରାଯାଇଛି । ଏନେଇ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ସୂଚନା ଦେଇଛନ୍ତି । 

ପୋଲିସ ଏକ ସ୍ବତନ୍ତ ଅଭିଯାନ ମାଧ୍ୟମରେ କାଚର ଜିଲ୍ଲାର ଦିଘରଖାଳ ଟୋଲ୍‌ ଗେଟ୍‌ ନିକଟରୁ ୧.୮୮୧ କେଜି ହେରୋଇନ୍ ଜବତ କରିଛି ବୋଲି ଏକ୍ସରେ ପୋଷ୍ଟ କରି ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ।  ଜବତ ହୋଇଥିବା ହେରୋଇନ୍‌ର ମୂଲ୍ୟ ୯.୫ କୋଟି ହୋଇଥିବା ବେଳେ ଏହି ଘଟଣାରେ ୩ ଜଣଙ୍କୁ ପୋଲିସ ବାନ୍ଧିଛି । ସେହି ଜିଲ୍ଲାର ଅନ୍ୟ ଏକ ସ୍ଥାନରୁ ପୋଲିସ ୫୬୧ ଗ୍ରାମ୍‌ର ହେରୋଇନ୍‌ ଜବତ କରିଥିବା ବେଳେ ଦୁଇ ଜଣଙ୍କୁ ଗିରଫ କରିଛି ।ଜବତ ହେରୋଇନ୍ର ମୂଲ୍ୟ ୩ କୋଟି ଟଙ୍କା ହେବ । 

In three separate anti-narcotics operations carried out

👉 @cacharpolice conducted special ops at Digharkhal Toll Gate and recovered 1.881kg heroin; 3 apprehended. Value: ₹9.5cr
👉 @karbianglongpol intercepted a vehicle at Borpathar and recovered 1.005kg heroin; 1 apprehended… pic.twitter.com/F8Y6C2lRkl

— Himanta Biswa Sarma (@himantabiswa) June 28, 2024

 ସେହିଭଳି କର୍ବି ଆଙ୍ଗଲୋନ  ଜିଲ୍ଲାରୁ ପୋଲିସର ଏକ ଟିମ୍‌ ୧.୦୦୫ କେଜିର ହେରୋଇନ ଜବତ କରିଛି । ଅନ୍ତର୍ଜାତୀୟ ବଜାରରେ  ଯାହାର ଦାମ ୭ କୋଟି ଟଙ୍କା ହେବ ବୋଲି ଜଣାପଡ଼ିଛି । ଏହି ଘଟଣାରେ ପୋଲିସ ଜଣଙ୍କୁ ଗିରଫ କରିଛି ।  ଏଭଳି ବଡ଼ ସଫଳତା ପାଇଁ ପୋଲିସକୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ।