ଫିରିଙ୍ଗିଆ ୧୮/୦୫: ରାଜ୍ୟ ସରକାର ଗମନାଗମନର ସୁବିଧା ପାଇଁ ରାଜ୍ୟ ରାଜକୋଷରୁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ଏହି କ୍ରମରେ ସହରାଞ୍ଚଳରୁ ଗ୍ରାମାଞ୍ଚଳ ମାନଙ୍କୁ ଯାତାୟାତ ସୁବିଧାକୁ ସହଜସୁଗମ କରୁଛନ୍ତି । ହେଲେ ଏବେ ବି ଅନେକ ଜାଗାରେ ଭଲ ରାସ୍ତାଟିଏ ନଥିବାରୁ ଯାତାୟାତ ପାଇଁ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଛି I ବିଶେଷ କରି ସ୍ୱାସ୍ଥ୍ୟସେବା ଭଳି ଜରୁରୀ ସେବା ବାଧାପ୍ରାପ୍ତ ହେଉଥିବା ଦେଖିବାକୁ ମିଳିଛି I କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ମୁଖ୍ୟାଳୟରୁ ବିନଝେରପଡା ରାସ୍ତା ଏବେ ଖଲଖମାରେ ଭର୍ତ୍ତି। ବ୍ଲକ ମୁଖ୍ୟାଳୟ ଠାରୁ ମାତ୍ର ଅଧ କିଲୋମିଟର ଦୂରରେ ରହିଛି ଫିରିଙ୍ଗିଆ ବଜାର୍ ଠାରୁ ବନବିଭାଗ କାର୍ଯ୍ୟଳୟ, ଖଜୁରୀପଡା ଓ ବିନଝେରପଡା କୁ ସଂଯୋଗ କରୁଥିବା ରାସ୍ତା I ଏହି ରାସ୍ତାଟି ଫିରିଙ୍ଗିଆ ବ୍ଲକର ଏକ ସର୍ବପୁରାତନ ରାସ୍ତା ହୋଇଥିବା ବେଳେ ଏହା ଉପରେ ଖଜୁରୀପଡା ଓ ବିନଝେରପଡାର ଶତାଧିକ ଲୋକ ନିର୍ଭର କରି ଯାତାୟାତ କରିଥାନ୍ତି I ଆଜକୁ ପ୍ରାୟ ତିରିଶ ବର୍ଷ ତଳେ ପଞ୍ଚାୟତ ଗଠନ ହେବା ପରେ ଏହି ରାସ୍ତା ଟିକୁ କଂକ୍ରିଟ ରାସ୍ତା କରାଯାଇଥିଲା I କିନ୍ତୁ ତିରିଶ ବର୍ଷ ତଳେ ନିର୍ମାଣ କରାଯାଇଥିବା ଏହି ରାସ୍ତା ଏବେ ମରଣ ଯନ୍ତାରେ ପରିଣତ ହୋଇଛି I ରାସ୍ତା ସାରା ଖାଲଖମାରେ ଭର୍ତ୍ତି ହୋଇ ରହିଥିବା ବେଳେ ରାସ୍ତା ଉପରେ ଗୋଡି ମେଟାଲ ଉଠିଯାଇ ଯାତ୍ରୀଙ୍କ ପାଇଁ ବିପଦ ସାଜିଛି I ଅନ୍ୟପଟେ ରାସ୍ତା ଉପରେ ଗାଡି ଯିବାତ ଦୂରର କଥା ବର୍ତମାନ ଚାଲିଚାଲି ଯିବା ମଧ୍ୟ କଷ୍ଟସାଧ୍ୟ ହୋଇପଡିଛି I ଅନ୍ୟପଟେ ଏହି ରାସ୍ତାଟି ଫିରିଙ୍ଗିଆ ବ୍ଲକ ମୁଖ୍ୟାଳୟ ଠାରୁ ଫୁଲବାଣୀ ବାଲିଗୁଡା ଏକ ନମ୍ବର ରାଜ୍ୟପଥ କୁ ସଂଯୋଗ କରୁଥିବାରୁ ଏହା ଏକ ବାଇପାସ ରାସ୍ତା ଭାବରେ ମଧ୍ୟ୍ୟ ଅନେକ ଲୋକ ଏହି ରାସ୍ତାରେ ଯିବା ଆସିବା କରିଥାନ୍ତି I ରାସ୍ତା ମରାମତି ପାଇଁ ଅଂଚଳବାସୀ ବାରମ୍ବାର ଅଭିଯୋଗ କରିଆସୁଥିଲେ ମଧ୍ୟ ପ୍ରଶାସନ ସମସ୍ୟାର ସମାଧନ କରିବା ପରିବର୍ତ୍ତେ ନିଦାବିଷ୍ଣୁ ସାଜିଛି I