ବାରିପଦା, ୧୫/୦୭ : ଶିଶୁ ଉଦ୍ୟାନ ଭିତରୁ ଯୁବକଙ୍କ ଉଲଗ୍ନ ମୃତଦେହ ଠାବ। ବାରିପଦା ଭଞ୍ଜପୁର ଥାନା ଅନ୍ତର୍ଗତ ଶିଶୁ ଉଦ୍ୟାନରୁ ମୃତଦେହ ଠାବ ହୋଇଛି। ଯୁବକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି।
ସୂଚନାନୁଯାୟୀ, ଉଦଳା ରାଢୋ ଅଞ୍ଚଳର ହରି ନାମକ ଜଣେ ଯୁବକ ଭଞ୍ଜପୁର ଥାନା ଅନ୍ତର୍ଗତ ଶିଶୁ ଉଦ୍ୟାନରେ ଥିବା କ୍ୟାଣ୍ଟିନରେ କିଛିଦିନ ହେବ କାର୍ଯ୍ୟ କରୁଥିଲେ। ସୋମବାର ସକାଳୁ ଉଦ୍ୟାନ ଭିତରେ ତାଙ୍କର ଉଲଗ୍ନ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିଥିଲେ। ଏନେଇ ପୋଲିସକୁ ଖବର ଦେଇଥିଲେ। ଘଟଣା ସ୍ଥଳରେ ଭଞ୍ଜପୁର ପୋଲିସ ପହଞ୍ଚି ଯୁବକଙ୍କ ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି। ତେବେ ଯୁବକ ଜଣକ ଆତ୍ମହତ୍ୟା କରିଛନ୍ତି ନା କେହି ହତ୍ୟା ଫିଙ୍ଗି ଦେଇଛି ତାହା ତଦନ୍ତ ପରେ ସ୍ପଷ୍ଟ ହେବ ବୋଲି କୁହାଯାଉଛି।