କୋକସରା(ଆପ୍ର)୧୭/୧୦  :  ନବରଙ୍ଗପୁର- କଳାହାଣ୍ଡି ସୀମାନ୍ତ କୋକସରା ବ୍ଲକ ଆମପାଣି ଘାଟି ମୈଦାଲପୁର ଥାନା ଅଧୀନରେ ଥିବା ତୁଳସୀ ପଦର ଘାଟି ନିକଟରେ ଏକ କାର ଭାରସାମ୍ୟ ହରାଇ ଗଛକୁ ଧକ୍କା ଦେଇଛି। ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି। ମୃତକ ଜଣକ ହେଲେ ଏସ. ଶ୍ରୀନିଭାସ ରାଓ (୫୦ ) ।

 ଏକ ସ୍ୱିପ୍ଟ ଡିଜେଆର  କାର ( ନଂ.  ଓ ଆର ୨୬ ଏ ୪୩୦୦ ) ଗୁଣ୍ଟୁର (ଆନ୍ଧ୍ର ପ୍ରଦେଶ ) ଠାରୁ ବଲାଙ୍ଗୀର (ଓଡିଶା ) ଅଭିମୁଖେ ଯାଉଥିଲା। କଳାହାଣ୍ଡି ସୀମାନ୍ତ ମୈଦାଲପୁରରୁ ଆମପାଣି ଘାଟି ମଧ୍ୟରେ  ଏକ ଗଛ କୁ ଭାରସାମ୍ୟ ହରାଇ ପିଟି ଦେଇଥିଲା ।  ଯାହା ଫଳରେ ଚାଳକ ଏସ. ଶ୍ରୀନିଭାସ ରାଓ (୫୦ )ଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଭି. ଶ୍ରୀନିବାସ ରାଓ,ଶ୍ରୀନିବାସ ରାଓ  ଗୁରୁତର ହୋଇଥିଲେ। ତାଙ୍କୁ ଉଦ୍ଧାର କରି  ମୈଦାଲପୁର ପୋଲିସ ମୈଦଲପୁର ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ତାଙ୍କର ପ୍ରାଥମିକ ଚିକିତ୍ସା ପରେ ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରା ଯାଇଥିବା ମୈଦାଲପୁର ପୋଲିସ ପକ୍ଷରୁ ସୂଚନା ମିଳିଛି।