ଭୁବନେଶ୍ୱର,୧୮/୧୦: ୱାଟ୍‌କୋ ପକ୍ଷରୁ ଦୁର୍ବଳ ପାଇପ  ମରାମତି ପାଇଁ ଶୁକ୍ରବାର ଅପରାହ୍ନ ୨ଟାରୁ ଶନିବାର ଅପରାହ୍ନ ୨ଟା  ପର୍ଯ୍ୟନ୍ତ ରାଜଧାନୀରେ ଜଳ ଯୋଗାଣ ବନ୍ଦ ରହିବ । ଏନେଇ ୱାଟ୍‌କୋ ପକ୍ଷରୁ ସୂଚନା ଜାରି କରାଯାଇଛି । ତେଣୁ ଜନସାଧାରଣ ଆବଶ୍ୟକତା  ଅନୁସାରେ ଜଳ ସଂରକ୍ଷଣ ରଖିବାକୁ କୁହାଯାଇଛି । 

ମୁଣ୍ଡଳିରୁ ଘାଟିକିଆ  ଆସୁଥିବା ମୁଖ୍ୟ ପାଇପ୍‌ ଲାଇନ୍‌ର କିଛି ସ୍ଥାନରେ ଲିକ୍‌ ରହିଛି । ଏହି ପାଇପ୍‌ ଲାଇନ୍‌କୁ ମରାମତି କରାଯିବ । ଘାଟିକିଆ  ଅଞ୍ଚଳର କଳିଙ୍ଗନଗର, ପାତ୍ରପଡା,  ଭରତପୁର, ସାମପୁର, ଘାଟିକିଆ,  ଖଣ୍ଡଗିରି ବାରି, କୋଳଥିଆ,  ଆଇଗିଣିଆ, ସିଆରପି, ବରମୁଣ୍ଡା ଓ ଏମ୍‌ଏସ୍‌ ଅଞ୍ଚଳରେ ଜଳ ଯୋଗାଣ  ପ୍ରଭାବିତ ହେବ । 

ସେହିପରି ଯଦୁପୁର, ଡୁମୁଡୁମା, ହାଉସିଂବୋର୍ଡ  କଲୋନୀ, ଜାଗମରା, ଜଗମୋହନ ନଗର, ଶତାବ୍ଦୀ ନଗର, ଲିଙ୍ଗରାଜ  ବିହାର, କପିଳପ୍ରସାଦ, ସୁନ୍ଦରପଦା, କ୍ରିଷ୍ଣା ଗାର୍ଡେନ, ସୌଭାଗ୍ୟନଗର  ଅଞ୍ଚଳରେ ମଧ୍ୟ ଜଳ ଯୋଗଣ ପ୍ରଭାବିତ ହେବ । ଏହା ସହ ଗଙ୍ଗନଗର, ପଳାଶପଲ୍ଲୀ, ଶିରିପୁର, ଗଙ୍ଗନଗର, ଏରୋଡ୍ରମ ଅଞ୍ଚଳ, ନୂଆପଲ୍ଲୀର  ଏନ୍‌-୧ରୁ ୬, କବାଡି ବସ୍ତି, ଗଡ଼ସାହି, ବାଲିତୋଟା ସାହି, ଆନନ୍ଦ ବିହାର ସୀତାପଲ୍ଲୀ ବସ୍ତି, ଶାସ୍ତ୍ରୀନଗର ଜଳ ଯୋଗାଣ ବନ୍ଦ ରହିବ ।  ଚନ୍ଦ୍ରଶେଖରପୁର ଅଞ୍ଚଳରେ ନିଳାଦ୍ରୀ ବିହାର, ସାଲିଆ ସାହି, ମୈତ୍ରୀ ବିହାର ଅଞ୍ଚଳରେ ମଧ୍ୟ ଜଳ ଯୋଗାଣ ବନ୍ଦ ରହିବ ।