କଟକ,୨୭/୦୭: ପୂର୍ବ ଶତ୍ରୁତାକୁ କେନ୍ଦ୍ରକରି ମୋଟର ସାଇକେଲ ପୋଡ଼ିଦେଲେ ଦୃର୍ବୁତ୍ତ । କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ପୁରୁଣା ତିଗିରିଆ ଅଞ୍ଚଳରେ ଏହି ଘଟଣା ଘଟିଛି । ଅମୁଣିଆ ସାହିରେ ଘର ଅଗଣାରେ ଥୁଆ ହୋଇଥିବା ବାଇକକୁ ବାହାରକୁ ନେଇ ନିଆଁ ଲଗାଇଥିବା ନେଇ ଅଭିଯୋଗ କରିଛନ୍ତି ଚଗଲା ଦାସ ।

ସୂଚନା ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ଘରର ସମସ୍ତ ସଦସ୍ୟ ଶୋଇଥିବା ବେଳେ ଏପରି କାଣ୍ଡ ହୋଇଛି । ଅମୁଣିଆସାହିର ଚଗଲା ଦାସଙ୍କ ମୋଟର ସାଇକେଲକୁ କେହି ଦୁର୍ବୁତ୍ତ ଘର ଅଗଣାରୁ ନେଇ କିଛି ଦୂରରେ ନିଆଁ ଲଗାଇ ଦେଇଛି । ତେବେ ନିଆଁ ଲାଗିବାରୁ ବାଇକ୍ ଟାଙ୍କି ଫାଟିଥିଲା । ଏହାର ଶବ୍ଦ ଶୁଣି ଘଟଣା ସମ୍ପର୍କରେ ଅବଗତ ହୋଇ ତିଗିରିଆ ଅଗ୍ନିସମ ବାହିନୀକୁ ଜଣାଇଥିଲେ ଚଗଲା । ଖବର ପାଇ ଅଗ୍ନିସମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ କିନ୍ତୁ ସେତେବେଳକୁ ସମ୍ପୂର୍ଣ୍ଣ ବାଇକଟି ଜଳି ଯାଇଥିଲା । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ବାଇକ ପୋଡାଜଳା ହୋଇଥିବା ଅଭିଯୋଗ ହୋଇଛି l ଅଭିଯୋଗକୁ ଭିତ୍ତିକରି ତିଗିରିଆ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।