ମୁମ୍ବାଇ,୨୮।୧୧: ନିକଟରେ ସିରିଛି ମହାରାଷ୍ଟ୍ରବ ବିଧାନସଭା ନିର୍ବାଚନ। ଏଥିରେ ମହାବିକାଶ ଅଘାଡି(ଏମ୍‌ଭିଏ)ର ହୋଇଛି ଶୋଚନୀୟ ପରାଜୟ। ଏହି ପରାଜୟ ପରେ ଶିବସେନାର ବରିଷ୍ଠ ନେତା ଅମ୍ବାଦାସ ଦାନବେ କଂଗ୍ରେସକୁ କରିଛନ୍ତି ଟାର୍ଗେଟ। ସେ କହିଛନ୍ତି, କଂଗ୍ରେସର ଅତ୍ୟାଧିକ ଆତ୍ମବିଶ୍ବାସ ଓ ଆସନ ବୁଝାମଣା ବେଳେ ଅହଂକାରୀ ମନୋଭାବ ଏମ୍‌ଭିଏ ମେଣ୍ଟ ପରାଜୟର ମୁଖ୍ୟ କାରଣ।

ବିଜେପି ନେତୃତ୍ବାଧୀନ ମହାୟୁତି ୨୮୮ ରୁ ୨୩୦ ଆସନ ଜିତି ପ୍ରଚଣ୍ଡ ବହୁମତ ହାସଲ କରିଥିଲା। ସେଭଳି କଂଗ୍ରେସ, ଶରଦ ପାଓ୍ବାରଙ୍କ ନେତୃତ୍ବାଧୀନ ଏନ୍‌ସିପି ଓ ଉଦ୍ଧବ ଠାକରେଙ୍କ ଗୋଷ୍ଠୀ ଶିବସେନା ଏମ୍‌ଭିଏ ମେଣ୍ଟ କେବଳ ୪୬ ଆସନ ହିଁ ଜିତିପାରିଛି। ମହାରାଷ୍ଟ୍ର ବିଧାନ ପରିଷଦର ବିରୋଧି ଦଳ ନେତା ଅମ୍ବାଦାସ ଦାନଭେ କହିଛନ୍ତି, ମହାବିକାଶ ଅଘାଡିକୁ ଉଦ୍ଧବଙ୍କୁ ମୁଖ୍ୟମନ୍ତ୍ରୀ ପଦର ପ୍ରାର୍ଥୀ ଭାବରେ ଆଗତ କରିବାର ଥିଲା। ସେ କଂଗ୍ରେସ ଉପରେ ପରୋକ୍ଷରେ କଟାକ୍ଷ କରି କହିଛନ୍ତି, ସେ ରେଜଲ୍ଟ ଆସିବା ପୂର୍ବରୁ ସୁଟ୍‌ ଓ ଟାଇ ପିନ୍ଧିବାର ପ୍ରସ୍ତୁତିରେ ଥିଲେ।