ମୁମ୍ୱାଇ : ସେମାନଙ୍କ ମଧ୍ୟରେ ଥିବା ୨୯ବର୍ଷର ବୈବାହିକ ଜୀବନରେ ପଡ଼ିବ ପୂର୍ଣ୍ଣଚ୍ଛେଦ। ସେମାନେ ପରସ୍ପର ଠାରୁ ହୋଇଯିବେ ଅଲଗା । ଏହିକଥା ନିକଟରେ ଏଆର ରହମାନ ଓ ତାଙ୍କର ପତ୍ନୀ ସାୟରା ବାନୋ ଘୋଷଣା କରିଥିଲେ।ଯେଉଁଥି ପାଇଁ ସେମାନେ ଭାବିଚିନ୍ତି ନିଷ୍ପତ୍ତି ନେଇଛନ୍ତି। ଏହି ଖବରରେ ଏଆର ରହମାନଙ୍କ ପ୍ରଶଂସକଙ୍କୁ ବଡ଼ ଝଟକା ଲାଗିଥିଲା। ଏବେ ଦୁହେଁ ଅଲଗା ହେବା ଖବର ଭିତରେ ତାଙ୍କର ଓକିଲ ବନ୍ଦନା ଶାହ, ଏଆର ରହମାନ – ସାୟରାଙ୍କ ପିଲାଙ୍କର କଷ୍ଟଡିରୁ ନେଇ ତାଙ୍କର ସଂପର୍କ ବିଷୟରେ କଥାବାର୍ତ୍ତା ହୋଇ ଥିଲେ। ସେ ଏକ ପୋଡକାଷ୍ଟରେ କହିଥିଲେ, ସେ ଏହା କହି ନାହାନ୍ତି କି ଦୁହିଁଙ୍କ ମଧ୍ୟରେ ସମାଧନ ହୋଇ ପାରିବ ନାହିଁ।
ଭିକ୍କି ଲାଲବାନୀଙ୍କର ୟୁଟ୍ୟୁବ୍ ଚ୍ୟାନେଲରେ ବନ୍ଦନା ଶାହ, ଏଆର ରହମାନ ଓ ସାୟରା ବାନୋଙ୍କ ଅଲଗା ହେବାର ନିଷ୍ପତ୍ତିକୁ ନେଇ ଆଲୋଚନା କରି ଛନ୍ତି। ଏହି ସମୟରେ ତାଙ୍କୁ ପଚରା ଯାଇଥିଲା କି ,ଯଦି ଉଭୟ ଛାଡ଼ପତ୍ର ନିଅନ୍ତି ତ ପିଲାଙ୍କ କଷ୍ଟଡି କାହାକୁ ମିଳିବ ? ଏହି ପ୍ରଶ୍ନର ଜବାବ ଦେଇ ବନ୍ଦନା କହିଥିଲେ- ପିଲାଙ୍କ କଷ୍ଟଡିକୁ ନେଇ ଏବେ କିଛି ସ୍ଥିର କରାଯାଇ ନାହିଁ। ଏହା ସ୍ଥିର ହେବା ଏବେ ବାକି ଅଛି । କିନ୍ତୁ ତାଙ୍କର ଯେଉଁ ପିଲା ଆଡଲଟ୍ ଅଛନ୍ତି , ସେ ନିଜେ ସ୍ଥିର କରି ପାରିବେ କି ତାଙ୍କୁ କାହା ସହ ରହିବାର ଅଛି।
ବନ୍ଦନାଙ୍କୁ ପଚରା ଯାଇଥିଲା କି, ଏହି କେସ୍ରେ ସାୟରାଙ୍କୁ ଏଲିମନି ମିଳିବ? ବନ୍ଦନା କହିଛନ୍ତି ଯେ, ସେ ଏହି ବିଷୟରେ ଟିପ୍ପଣୀ କରିବାକୁ ଚାହାନ୍ତି ନାହିଁ । ସାୟରାଙ୍କୁ ସପୋର୍ଟ କରି ବନ୍ଦନା କହିଛନ୍ତି , ସାୟରା ସେମାନଙ୍କ ଭିତରେ ନୁହନ୍ତି ,ଯାହାଙ୍କୁ ଟଙ୍କାର ନେଣଦେଣ ରହିଛି। ସେମାନେ ଦୁହେଁ ଦୀର୍ଘ ୨୯ ବର୍ଷ ଧରି ବୈବାହିତ ସଂପର୍କରେ ଥିଲେ। କେହି ବି ସାୟରାଙ୍କ ବିଷୟରେ କେବେ ପବ୍ଲିକ୍ରେ ଅଧିକ ଶୁଣି ନଥିବେ।
