ମୁମ୍ୱାଇ : ୧୯୭୫ ମସିହାରେ ଫିଲ୍ମ ଶୋଲେ ରିଲିଜ ହୋଇ ଥିଲା । ଏହି ଫିଲ୍ମ ଆଜି ବି ଦର୍ଶକଙ୍କର ପସନ୍ଦର ଫିଲ୍ମ ମଧ୍ୟରେ ଗୋଟିଏ ହୋଇ ରହିଛି। ଉକ୍ତ ଫିଲ୍ମରେ ଅମିତାଭ ବଚ୍ଚନ ଓ ଧର୍ମେନ୍ଦ୍ର ମୁଖ୍ୟ ଭୂମିକାରେ ନଜର ଆସିଥିଲେ। ଫିଲ୍ମକୁ ରମେଶ ସିପ୍ପି ନିର୍ଦ୍ଦେଶନା ଦେଇଥିଲେ । ଏବେ ରମେଶ ସିପ୍ପି ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଅଫ୍ ଇଣ୍ଡିଆ , ଗୋଆରେ ଯୋଗ ଦେଇଥିଲେ। ଏହି ସମୟରେ ସେ ନିଜର ଫିଲ୍ମ ସହ ଜଡ଼ିତ ଏକ କଥା କହିଥିଲେ। ଏହାସହ ସେ ଫିଲ୍ମ ମେକିଂରେ ଏଆଇର ଭୂମିକା ଉପରେ ମଧ୍ୟ କହିଥିଲେ। ସେ କହିଥିଲେ ଯେ , ଏଆଇ କେବେ ମଣିଷର ମସ୍ତିଷ୍କକୁ ରିପ୍ଲେସ୍ କରି ପାରିବ ନାହିଁ।
କଥାବାର୍ତ୍ତା ବେଳେ ରମେଶ ସିପ୍ପି ସେହି ସମୟକୁ ମନେପକାଇ ଥିଲେ , ଯେତେ କି ଶୋଲେ ତିଆରି ହେଉଥିଲା। ସେ କହିଛନ୍ତି , ଶିଖିବାର କୌଣସି ବି ଅନ୍ତ ନାହିଁ । ଆମେ ସର୍ବଦା ନିଜର ପୂରା ପ୍ରୟାସ କରିଥାନ୍ତି , କାଷ୍ଟ ଠାରୁ ନେଇ କ୍ରୁ ଯାଏ ସବୁ ଲୋକ ପ୍ରତି ଷ୍ଟେପ୍ର ସଦସ୍ୟ ହୋଇଥାନ୍ତି। ସେ ଆହୁରି କହିଛନ୍ତି , ଶୋଲେର ଏକ ସିନ୍ ସୁଟ୍ କରିବାରେ ତାଙ୍କୁ ୨୩ ଦିନ ଲାଗି ଥିଲା। ଆମକୁ ଲାଗୁନି ଯେ, ଏମିତି କୌଣସି ଦ୍ୱିତୀୟ ଫିଲ୍ମ ଅଛି, ଯାହାର ଭାରତ ଉପରେ ଶୋଲେ ଭଳି ସାଂସ୍କୃତିକ ଓ ସିନେମାର ପ୍ରଭାବ ରହିଥିବ।
ଏଥିରେ ରମେଶ ସିପ୍ପି ଫିଲ୍ମ ମେକିଂରେ ଏଆଇର ପ୍ରଭାବ ବିଷୟରେ କହିଛନ୍ତି ଯେ, ଏଆଇ କେବେ ବି ମଣିଷର ମସ୍ତିଷ୍କର ସ୍ଥାନ ନେଇ ପାରିବ ନାହିଁ। ସେ କେବଳ କ୍ରିଏଟିଭିଟି ବଢାଇ ପାରେ ଏବଂ ଏହା ଜରୁରୀ କି, ସଠିକ୍ ନିଷ୍ପତ୍ତି ନେବା ପାଇଁ ମସ୍ତିଷ୍କର ବ୍ୟବହାର କରାଯାଉ।
ରମେଶ ସିପ୍ପିଙ୍କ କାମ କଥା ଯଦି କହିବା ତ, ସେ ଗତ ୪ ବର୍ଷରେ କୌଣସି ଫିଲ୍ମ ଡାଇରେକ୍ଟ କରି ନାହାନ୍ତି। ତାଙ୍କର ଶେଷ ନିର୍ଦ୍ଦେଶିତ ଫିଲ୍ମ ଥିଲା ‘ଶିମଲା ମିର୍ଚ୍ଚି’ । ଫିଲ୍ମଟି ୨୦୨୦ ମସିହାରେ ରିଲିଜ ହୋଇଥିଲା ।
