ନୂଆଦିଲ୍ଲୀ,୦୩/୦୮: ଆଉ ନାହାନ୍ତି ଜଣାଶୁଣା ତାମିଲ ଅଭିନେତା, କମେଡ଼ିଆନ, ମ୍ୟୁଜିକ କମ୍ପୋଜର ଏସ୍‌. କୃଷ୍ଣମୂର୍ତ୍ତି । ଗତକାଲି (ଶନିବାର) ବିଳମ୍ବିତ ରାତିରେ ୭୧ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । କ୍ୟାନ୍ସରରେ ପୀଡ଼ିତ କୃଷ୍ଣମୂର୍ତ୍ତିଙ୍କ ଚିକିତ୍ସାଧୀନ ଅବସ୍ଥାରେ ଦେହାନ୍ତ ହୋଇଛି । କମେଡ଼ିରେ ଦର୍ଶକଙ୍କୁ ହସାଇ ହସାଇ ବେଦମ କରୁଥିଲେ । ଆଜି ସମସ୍ତଙ୍କୁ କନ୍ଦାଇ ଚାଲିଯାଇଛନ୍ତି କୃଷ୍ଣମୂର୍ତ୍ତୀ । ମଦନ ବବ୍‌ ନାମରେ ଜଣାଶୁଣା ଥିଲେ ।

ଏସ୍‌. କୃଷ୍ଣମୂର୍ତ୍ତି ନାମରେ ଜନ୍ମଗ୍ରହଣ କରିଥିବା ମାଧନ ବବ୍ ତାଙ୍କ ପରିବାରର ଅଷ୍ଟମ ସନ୍ତାନ ଥିଲେ । ବହୁମୁଖୀ ପ୍ରତିଭାଶାଳୀ କଳାକାର ଥିଲେ । ସେ କେବଳ ଜଣେ ହାସ୍ୟ ଅଭିନେତା ଭାବରେ ନୁହେଁ ବରଂ ଜଣେ ସଂଗୀତଜ୍ଞ ଭାବରେ ମଧ୍ୟ ନିଜର ଛାପ ଛାଡ଼ିଛନ୍ତି । ଦଶନ୍ଧି ଧରି ସେ କମଲ ହାସନ, ରଜନୀକାନ୍ତ, ଅଜିତ, ସୂର୍ଯ୍ୟ ଏବଂ ବିଜୟଙ୍କ ପରି ପ୍ରଖ୍ୟାତ ଅଭିନେତାଙ୍କ ସହିତ ଅଭିନୟ କରିଥିଲେ। ସେ ଟେଲିଭିଜନରେ ଏକ ପରିଚିତ ମୁହଁ ମଧ୍ୟ ଥିଲେ । ଟିଭି କମେଡି ଶୋ’ ଅସଥା ପୋଭାଥୁ ୟାରୁ? ରେ ଜଣେ ବିଚାରକ ଭାବରେ ତାଙ୍କୁ ଦେଖିବାକୁ ମିଳିଥିଲା । ତାଙ୍କର କିଛି ଉଲ୍ଲେଖନୀୟ ଭୂମିକା ମଧ୍ୟରେ ଡାଇମଣ୍ଡ ବାବୁ ଏବଂ ଫ୍ରେଣ୍ଡସ୍ରେ ମ୍ୟାନେଜର ସୁନ୍ଦରେସନ ରହିଛି । ହାସ୍ୟ ଅଭିନୟ ହେଉ କିମ୍ବା ଅନ୍ୟ କିଛି ଚରିତ୍ର ତାଙ୍କର ଅଭିନୟ ଦର୍ଶକଙ୍କ ହୃଦୟ ଜିତିଥିଲା ।

Tamil actor, comedian, music composer, and television personality S. Krishnamoorthy, professionally known as Madan Bob, passed away in Chennai last night.

(Pic: Madan Bob/Instagram) pic.twitter.com/2g5xfKTXg0

— ANI (@ANI) August 3, 2025

୧୯ ଅକ୍ଟୋବର ୧୯୫୩ ମସିହାରେ ଏସ୍‌. କୃଷ୍ଣମୂର୍ତ୍ତିଙ୍କ ଜନ୍ମ  । ସେ ଜଣେ ସଂଗୀତଜ୍ଞ ଭାବରେ ତାଙ୍କର କ୍ୟାରିଅର ଆରମ୍ଭ କରିଥିଲେ । ପରେ ଅଭିନୟ କ୍ଷେତ୍ରରେ ଏଣ୍ଟ୍ରୀ କରିଥିଲେ । ତାଙ୍କର ଫିଲ୍ମ କ୍ୟାରିଅର ୧୯୮୪ ମସିହାରେ ବାଲୁ ମହେନ୍ଦ୍ରଙ୍କ ଫିଲ୍ମ 'ନୀଙ୍ଗଲ କେଟ୍ଟାଭାଇ' ସହିତ ଆରମ୍ଭ ହୋଇଥିଲା,  କିନ୍ତୁ ତାଙ୍କର ପ୍ରଥମ ଫିଲ୍ମ ଥିଲା 'ବାନମେ ଏଲାଇ'।