ସେଣ୍ଟ ଲୁସିଆ: ଆଇସିସି ଟି-୨୦ ବିଶ୍ୱକପ୍ ୨୦୨୪ର ସୁପର ୮ରେ ଇଂଲଣ୍ଡକୁ ମାତ୍ ଦେଲା ଦକ୍ଷିଣ ଆଫ୍ରିକା । ଇଂଲଣ୍ଡ ଠାରୁ ୭ ରନ୍ରେ ଜିତିଲା ଦକ୍ଷିଣ ଆଫ୍ରିକା। ଦକ୍ଷିଣ ଆଫ୍ରିକାର ୧୬୪ରନ୍ର ଟାର୍ଗେଟକୁ ପିଛା କରି ୬ୱିକେଟ୍ରେ ୧୫୬ ରନ୍ କରି ମ୍ୟାଚ୍ ହାରିଲା ଇଂଲଣ୍ଡ ।
ଆଜି ଏହି ଟି-୨୦ ବିଶ୍ୱକପ୍ ୨୦୨୪ ସୁପର ୮ର ,ଗ୍ରୁପ୍-୨ରେ ଦୁଇ ଶକ୍ତିଶାଳୀ ଦଳ ଦକ୍ଷିଣ ଆଫ୍ରିକା ଓ ଇଂଲଣ୍ଡ ମଧ୍ୟରେ ମୁକାବିଲା ହୋଇଥିଲା। ସେଣ୍ଟ ଲୁସିଆର ଡାରେନ ସାମି ଅନ୍ତର୍ଜାତୀୟ କ୍ରିକେଟ୍ ଷ୍ଟାଡ଼ିୟମରେ ଏହି ମ୍ୟାଚ୍ ଖେଳା ଯାଇଥିଲା। ଟସ୍ ହାରି ପ୍ରଥମେ ବ୍ୟାଟିଂ କରିଥିଲା ଦକ୍ଷିଣ ଆଫ୍ରିକା। ଇଂଲଣ୍ଡ ବିରୋଧରେ ପ୍ରଥମେ ବ୍ୟାଟିଂ ନିମନ୍ତ୍ରଣ ପାଇଁ ଦକ୍ଷିଣ ଆଫ୍ରିକା ୨୦ ଓଭରରେ ୬ ୱିକେଟ୍ ହରାଇ ୧୬୩ରନ୍ କରିଥିଲା ।
ଇଂଲଣ୍ଡକୁ ବିଜୟ ପାଇଁ ୧୬୪ ରନ୍ର ଲକ୍ଷ୍ୟ ଦେଇଥିଲା । ଦକ୍ଷିଣ ଆଫ୍ରିକା ପାଇଁ କ୍ୱିଣ୍ଟନ ଡିକାକ ସର୍ବାଧିକ ରନ୍ କରିଥିଲେ। ସେ ୩୮ଟି ବଲରେ ୪ଟି ଚୌକା ଓ ୪ଟି ଛକ୍କା ଦ୍ୱାରା ୬୫ ରନ୍ର ଏକ ସୁନ୍ଦର ପାଳି ଖେଳିଥିଲେ । ତାଙ୍କ ବ୍ୟତୀତ ଡେବିଡ୍ ମିଲର ୨୮ଟି ବଲରେ ୪୩ ରନ୍ କରିଥିଲେ। ଇଂଲଣ୍ଡ ପାଇଁ ଜୋଫ୍ରା ଆର୍ଚର ୩ ୱିକେଟ୍ ଓ ଆଦିଲ ରଶିଦ ଓ ମୋଇନ ଏଲି ୧-୧ ୱିକେଟ ପାଇଥିଲେ ।
