ନୂଆଦିଲ୍ଲୀ,୨୮/୦୬: ରାଷ୍ଟ୍ରପତି ଦୌପଦୀ ମୂର୍ମୁ ଅଷ୍ଟାଦଶ ଲୋକସଭାରେ ସମ୍ବୋଧିତ କରିବା ବେଳେ ଦେଶର ବୟସ୍କଙ୍କ ପାଇଁ ଏକ ଖୁସିଖବର ଘୋଷଣା କରିଛନ୍ତି। ଗୁରୁବାର ସେ କହିଛନ୍ତି ଯେ, ୭୦ ବର୍ଷ ବୟସ ଅତିକ୍ରମ କରିଥିବା ସମସ୍ତ ବୟସ୍କଙ୍କ ଚିକିତ୍ସା ଆୟୁଷ୍ମାନ ଯୋଜନା ଅଧିନରେ ହେବ। ଭାରତୀୟ ଜନତା ପାର୍ଟି ଲୋକସଭା ନିର୍ବାଚନ ସମୟରେ ଜାରି କରିଥିବା ଘୋଷଣାପତ୍ରରେ ଏକଥା ଘୋଷଣା କରାଯାଇଥିଲା। କହିରଖୁଛୁ ଯେ, ଜୁନ୍ ୨୪ ତାରିଖରୁ ଲୋକସଭାର ଅଧିବେଶନ ଆରମ୍ଭ ହୋଇସାରିଛି।
ନିର୍ବାଚନୀ ଇସ୍ତାହାର ଜାରି କରିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୭୦ ବର୍ଷ କିମ୍ବା ତଦୁର୍ଦ୍ଧ ବୟସ୍କ ବ୍ୟକ୍ତିଙ୍କ ବିଷୟରେ କହିଥିଲେ। ମୋଦୀ କହିଥିଲେ ଯେ,'ବୟସ୍କ ବ୍ୟକ୍ତିଙ୍କର ସବୁଠାରୁ ବଡ଼ ଚିନ୍ତା ରହିଛି ଯେ, ରୋଗ ହେଲେ ଏହାର ଚିକିତ୍ସା କେମିତି କରିବେ। ଏହି ଚିନ୍ତା ମଧ୍ୟବିତ୍ତବର୍ଗଙ୍କ ପାଇଁ ଆହୁରି ଗମ୍ଭୀର ଅଟେ। ବିଜେପି ଏବେ ସଂକଳ୍ପ ନେଇଛି ଯେ, ୭୦ ବର୍ଷରୁ ଅଧିକ ବୟସ୍କ ସମସ୍ତ ବ୍ୟକ୍ତିଙ୍କୁ ଆୟୁଷ୍ମାନ ଯୋଜନା ଅଧିନକୁ ଅଣାଯିବ।
ବିଜେପିର ଘୋଷଣାପତ୍ରରେ କୁହାଯାଇଥିଲା ଯେ,' ଆମେ ବୟସ୍କ ମାନଙ୍କୁ ସାମିଲ କରିବାକୁ ଆୟୁଷ୍ମାନ ଯୋଜନାକୁ ବିସ୍ତାର କରିବୁ ଏବଂ ସେମାନଙ୍କୁ ମାଗଣା ଓ ଉତ୍ତର ସ୍ବାସ୍ଥ୍ୟସେବା ଯୋଗାଇ ଦେବୁ।' ଏହି ଯୋଜନା ତତ୍କାଳୀନ ଅର୍ଥମନ୍ତ୍ରୀ ଅର୍ଥମନ୍ତ୍ରୀ ଅରୁଣ ଜେଟଲି ଆର୍ଥିକ ବର୍ଷ ୨୦୧୯ ବଜେଟରେ ଆରମ୍ଭ କରିଥିଲେ। ଏହାକୁ ପ୍ରଧାନମନ୍ତ୍ରୀ ଜୟ ଆରୋଜ୍ୟ ଯୋଜନା ମଧ୍ୟ କୁହାଯାଏ। ଏହି ଯୋଜନା ଅଧିନରେ ଚିକିତ୍ସା ପାଇଁ ୫ ଲକ୍ଷ ଟଙ୍କା ପର୍ଯ୍ୟନ୍ତ ସୁବିଧା ମିଳିଥାଏ।