ନୂଆଦିଲ୍ଲୀ,୧୨/୦୪: ସୁଜୁକି ଟୁ ହ୍ବିଲର କମ୍ପାନୀ ଫ୍ଲିପକାର୍ଟ ସହିତ ହାତ ମିଳାଇଛି। ବର୍ତ୍ତମାନ ଏହି ସହଭାଗୀତା ଅଧୀନରେ, କମ୍ପାନୀ ଫ୍ଳିପକାର୍ଟରେ Avenis, V-Strom SX, Gixxer ଏବଂ Gixxer SF 250 ଟୁ ହ୍ବିଲର ଗାଡ଼ି ବିକ୍ରି କରିବ। ଖୁବ୍ ଶୀଘ୍ର ଗ୍ରାହକମାନେ ଫ୍ଳିପକାର୍ଟ ମାଧ୍ୟମରେ ଏହି ବାଇକ୍ ଏବଂ ସ୍କୁଟରଗୁଡ଼ିକ ଅର୍ଡର କରିପାରିବେ। ସୁଜୁକି ଏହାର ବିକ୍ରୟ ବୃଦ୍ଧି ଏବଂ ଗ୍ରାହକଙ୍କ ସୁବିଧା ବୃଦ୍ଧି କରିବା ପାଇଁ ଏହି ନିଷ୍ପତ୍ତି ନେଇଛି।

ସୁଜୁକି ମୋଟରସାଇକେଲ ଇଣ୍ଡିଆ ଆର୍ଥିକ ବର୍ଷ ୨୫ରେ ଏହାର ସର୍ବୋଚ୍ଚ ବିକ୍ରୟ ହାସଲ କରିଛି, ଘରୋଇ ଏବଂ ରପ୍ତାନି ବଜାରରେ ମୋଟ ୧୨,୫୬,୧୬୧ ଦୁଇଚକିଆ ଯାନ ବିକ୍ରି ହୋଇଛି। ଏହା ଆର୍ଥିକ ବର୍ଷ ୨୪ରେ ବିକ୍ରି ହୋଇଥିବା ୧୧,୩୩,୯୦୨ ୟୁନିଟ୍ ତୁଳନାରେ ୧୧ ପ୍ରତିଶତ ବୃଦ୍ଧି ହୋଇଛି। କମ୍ପାନୀ ୧୨୫ ସିସି ସ୍କୁଟର ବଜାରରେ ପ୍ରାଧାନ୍ୟ ବିସ୍ତାର କରିଚାଲିଛି, ଏହାର ବିକ୍ରୟରେ ଆକ୍ସେସ୍ ମଡେଲ୍ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି।

୪ ବର୍ଷରେ ଦୁଇଗୁଣ ହୋଇଛି ସୁଜୁକି ବାଇକ ବିକ୍ରି: 

ଆକର୍ଷଣୀୟ କଥା ହେଉଛି ଗତ ଚାରି ବର୍ଷ ମଧ୍ୟରେ ସୁଜୁକିର ବିକ୍ରି ଦ୍ୱିଗୁଣିତ ହୋଇଛି। ଆର୍ଥିକ ବର୍ଷ ୨୪ରେ ସୁଜୁକିର ଘରୋଇ ବିକ୍ରୟ ୧୦,୪୫,୬୬୨ ୟୁନିଟରେ ପହଞ୍ଚିଛି, ଯାହା ପୂର୍ବ ଆର୍ଥିକ ବର୍ଷରେ ବିକ୍ରି ହୋଇଥିବା ୯,୨୧,୦୦୯ ୟୁନିଟ୍ ତୁଳନାରେ ୧୪% ଅଧିକ। କମ୍ପାନୀ ସେତେବେଳେ ୨,୧୦,୪୯୯ ୟୁନିଟ୍ ରପ୍ତାନି କରିଛି, ଯାହା ୨୦୨୪ ଆର୍ଥିକ ବର୍ଷରେ ୨,୧୨,୮୯୩ ୟୁନିଟ୍ ତୁଳନାରେ ସାମାନ୍ୟ କମ୍।

ସୁଜୁକି ଆଭେନ୍ସିସ୍ ଏବଂ ବର୍ଗମ୍ୟାନ୍ ସିରିଜ୍ ସ୍କୁଟରଗୁଡ଼ିକୁ OBD-2B ମାନଦଣ୍ଡରେ ଅପଡେଟ୍ କରିଛି। ଏହି ଉନ୍ନତି ସହିତ, ଆକ୍ସେସ୍ ସମେତ ସିଜୁକି ସ୍କୁଟରର ସମଗ୍ର ରେଞ୍ଜ ଏବଂ V-Strom, Gixxer SF 250, Gixxer 250, Gixxer SF ଏବଂ Gixxer ଭଳି ମୋଟରସାଇକେଲଗୁଡ଼ିକ ଏବେ OBD-2B ମାନଦଣ୍ଡ ପାଳନ କରୁଛି। OBD-2B ସୁଜୁକି ଆଭେନ୍‌ସିସ୍‌ର ଏକ୍ସ-ସୋରୁମ୍ ମୂଲ୍ୟ ୯୩,୨୦୦ ଟଙ୍କା ରହିଛି। ଏହା ବ୍ୟତୀତ, ମେଟାଲିକ୍ ମ୍ୟାଟ୍ ବ୍ଲାକ୍ ନମ୍ବର ୨/ମ୍ୟାଟ୍ ଟାଇଟାନିୟମ୍ ସିଲଭର ରଙ୍ଗରେ ଏକ ନୂତନ ସ୍ୱତନ୍ତ୍ର ସଂସ୍କରଣ ୯୪,୦୦୦ ଟଙ୍କା ଏକ୍ସ-ଶୋରୁମ୍ ମୂଲ୍ୟରେ ଲଞ୍ଚ କରାଯାଇଛି। ଷ୍ଟାଣ୍ଡାର୍ଡ ମଡେଲଟି ଚାରୋଟି ରଙ୍ଗ ବିକଳ୍ପରେ ଉପଲବ୍ଧ।