ନୂଆଦିଲ୍ଲୀ, ୨୨/୧୨ : ସଚିନ ତେନ୍ଦୁଲକରଙ୍କ ନିକଟରେ ସୋସିଆଲ ମିଡ଼ିଆରେ ଏକ ପୋଷ୍ଟ ଖୁବ୍ ଭାଇରାଲ ହେବାରେ ଲାଗିଛି । ସେ ଏକ ଛୋଟ ଝିଅର ପୋଷ୍ଟ କରିଥିଲେ । ଯାହାଙ୍କ ନାଁ ଥିଲା ସୁଶୀଳା ମୀନା। ସେ ରାତାରାତି ଏବେ ଷ୍ଟାର୍ ହୋଇପାରିଛନ୍ତି । ସୁଶୀଳାଙ୍କ ବୋଲିଂ ସଚିନଙ୍କୁ ବହୁ ପ୍ରଭାବିତ କରିଥିଲା। ବର୍ତ୍ତମାନ ଜଣେ ସାମାଜିକ କର୍ମୀ ସୁଶୀଳାଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି। ଉପହାର ସ୍ୱରୂପ ସୁଶୀଳାଙ୍କୁ ଏକ ଜୋତା ଦେଇଛନ୍ତି । ଏହା ସହ ଆର୍ଥିକ ସହାୟତା ମଧ୍ୟ ପ୍ରଦାନ କରିଛନ୍ତି।
ନିକଟରେ ରାଜସ୍ଥାନ ଉପମୁଖ୍ୟମନ୍ତ୍ରୀ ଦିୟା କୁମାର ସୁଶୀଳାଙ୍କ ସହ ଫୋନରେ କଥା ହୋଇଥିଲେ। ସେ ସୁଶୀଳାଙ୍କୁ ଶୁଭେଚ୍ଛା ଜଣାଇଛନ୍ତି। ସୁଶୀଳାଙ୍କ ବୋଲିଂ ଭିଡିଓ ସୋସିଆଲ ମିଡିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି । ସଚିନ ତାଙ୍କ ଭିଡିଓ ସେୟାର କରି ଜହିର ଖାନଙ୍କୁ ବି ଟ୍ୟାଗ କରିଥିଲେ। ବର୍ତ୍ତମାନ ଜଣେ ସାମାଜିକ କର୍ମୀ ସୁଶୀଳାଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି । ଇନଷ୍ଟାଗ୍ରାମରେ ଜୟା ମୀନାଙ୍କ ନାମରେ ଏକ ଆକାଉଣ୍ଟ ଅଛି । ଏଥିରେ ସୁଶୀଳାଙ୍କ ଭିଡିଓ ସେୟାର କରାଯାଇଛି । ପୋଷ୍ଟ ଅନୁଯାୟୀ ସୁଶୀଳା ଜୋତା ଉପହାର ସ୍ୱରୂପ ଗ୍ରହଣ କରିଛନ୍ତି। ଏହା ସହ ୫୧ ହଜାର ଟଙ୍କାର ଆର୍ଥିକ ସହାୟତା ମଧ୍ୟ ପ୍ରଦାନ କରିଛନ୍ତି ।
ସୁଶୀଲା ବୟସରେ ବହୁତ ଛୋଟ ଏବଂ ତାଙ୍କ ପରିବାର ଆର୍ଥିକ ସଙ୍କଟର ସମ୍ମୁଖୀନ ହେଉଛନ୍ତି। ଯଦି ୧୩ବର୍ଷର ସୁଶୀଳାଙ୍କୁ ସଠିକ୍ ତାଲିମ ଦିଆଯାଏ, ତେବେ ସେ ଭବିଷ୍ୟତରେ ମଧ୍ୟ ଭାରତୀୟ ଦଳର ଏକ ଅଂଶ ହୋଇପାରନ୍ତି । ଭାରତର ୧୯ବର୍ଷରୁ କମ୍ ମହିଳା ଦଳରେ ସୁଶୀଳା ସ୍ଥାନ ପାଇପାରିବେ। କିନ୍ତୁ ଏହା ପୂର୍ବରୁ ରାଜସ୍ଥାନ କ୍ରିକେଟ୍ ବୋର୍ଡ ସୁଶୀଳାଙ୍କୁ ସାହାଯ୍ୟ କରିବାକୁ ପଡିବ।
