ନୂଆଦିଲ୍ଲୀ : ଉତ୍ତରାଖଣ୍ଡର ଚମୋଲୀରେ ହୋଇ ଥିବା ହିମସ୍ଖଳନ ୮ ଶ୍ରମିକଙ୍କ ଜୀବନ ନେଇ ସାରିଛି। ମାଣା ଗାଁରେ ଶୁକ୍ରବାର ଆସିଥିବା ହିମସ୍ଖଳନରେ ୫୪ ଶ୍ରମିକ ଫସି ଯାଇଥିଲେ। ରେସ୍କ୍ୟୁ ଟିମ୍ ୪ ଜଣ ଶ୍ରମିକଙ୍କ ଶବକୁ ଉଦ୍ଧାର କରିଛନ୍ତି, ଯେବେକି ୫୦ଜଣଙ୍କୁ ହସ୍ପିଟାଲରେ ପହଞ୍ଚା ଯାଇଛି। ଏଥିରୁ ୪ ଜଣ ଶ୍ରମିକଙ୍କ ମୃତ୍ୟୁ ହୋଇଛି। ହସ୍ପିଟାଲରେ ଭର୍ତ୍ତି ଶ୍ରମିକଙ୍କ କାହାଣୀ ଲୋମ ଟାଙ୍କୁରା ଭଳି।
ସୀମା ସଡ଼କ ସଙ୍ଗଠନ ( ବିଆରଓ)ର ଶ୍ରମିକ ଜଗବୀର ସିଂହ କହିଛନ୍ତି ଯେ, ଯେବେ ତାଙ୍କୁ ହୋସ ଆସିଲା ତ ଦେଖିଲେ ଯେ ତାଙ୍କର ଜଣେ ସାଥି ପାଖରେ ମରି ପଡ଼ି ଥିଲେ ଏବଂ ଚାରିକଡ଼େ ବରଫର ବିସ୍ତୀର୍ଣ୍ଣ ଚାଦର ଆଚ୍ଛାଦିତ ଥିବା ଦେଖାଯାଉ ଥିଲା। ଜଗବୀରଙ୍କ ମୁତାବିକ , ହିମସ୍ଖଳନ କାରଣରୁ ତାଙ୍କର ଏକ ଗୋଡ଼ ଭାଙ୍ଗି ଯାଇ ଥିଲା। ତାଙ୍କ ମୁଣ୍ଡରେ ଗୁରୁତର ଆଘାତ ଲାଗି ଥିଲା।
ଜଗବୀରଙ୍କୁ କିଛି ଦୂରତାରେ ଥିବା ଏକ ହୋଟେଲ ନଜର ଆସିଲା ଏବଂ ସେ ଏଥିରେ ଆଶ୍ରୟ ନେଇ ପାଖାପାଖି ୨୫ ଘଣ୍ଟାର ଭୟାବହ ସମୟ ବିତେଇଲେ। ହୋଟେଲରେ ଜଗବୀର ଶୋଷ ମେଣ୍ଟାଇବାକୁ ବରଫ ଖାଇଲେ ଏବଂ ସେ ନିଜର ଏକ ଡର୍ଜନକୁ ମଧ୍ୟ ଅଧିକ ସାଥିଙ୍କ ସହ ଗୋଟିଏ ହିଁ କମ୍ୱଲରେ ହାଡ଼ ଥରାଇ ଦେବା ଭଳି ଥଣ୍ଡାକୁ ସହ୍ୟ କରି ଥିଲେ।
ପଞ୍ଜାବର ଅମୃତସରରେ ରହୁଥିବା ଜଗବୀର କହିଛନ୍ତି କି , ଯେଉଁ ସମୟରେ ହିମସ୍ଖଳନ ହେଲା ଏବଂ ବରଫ ତାଙ୍କୁ ତାଙ୍କର ସାଥିଙ୍କ ସହ ଅନେକ ମିଟର ତଳକୁ ନେଇଗଲା , ଏହି ସମୟରେ ସେ ବିଆଇଓ ଶିବିରରେ ନିଜ କଣ୍ଟେନରରେ ଶୋଇ ଥିଲେ।
ଜଗବୀର କହିଛନ୍ତି , ଆମେ ଯେଉଁ କଣ୍ଟେନରରେ ଥିଲୁ , ତାହା ତଳକୁ ଗଡ଼ିବାକୁ ଲାଗିଲା। ଯେପର୍ଯ୍ୟନ୍ତ ଆମେ ଏହା ଜାଣିବାକୁ ପାଇଲୁ କି କଣ ହୋଇଛି, ମୁଁ ଦେଖିଲି କି, ଆମର ଜଣେ ସାଥିଙ୍କର ମୃତ୍ୟୁ ହୋଇ ଯାଇଛି ଏବଂ ମୋର ଗୋଟେ ପାଦ ଭାଙ୍ଗି ଯାଇଛି। ମୋର ମୁଣ୍ଡରେ ମଧ୍ୟ ଆଘାତ ଲାଗି ଥିଲା। ସେଠାରେ ଚାରିଆଡ଼େ ବରଫ ଆଚ୍ଛାଦିତ ଥିଲା।
ରାତିରେ କଣ୍ଟେନରରେ ରହିବା ବେଳେ ବିଆରଓର ୫୪ ଶ୍ରମିକ ୨୮ ଫେବ୍ରୁଆରୀରେ ଉତ୍ତରାଖଣ୍ଡର ପାହାଡି ଚମୋଲୀ ଜିଲ୍ଲୀର ମାଣା ଗାଁରେ ହୋଇ ଥିବା ହିମସ୍ଖଳନରେ ଫସି ଯାଇ ଥିଲେ। ଏଥିରୁ ୫୦ଶ୍ରମିକଙ୍କୁ ସେନା ସମେତ ଅନେକ ଏଜେନ୍ସି ଦ୍ୱାରା ଉଦ୍ଧାର ଅଭିଯାନ ବେଳେ ସୁରକ୍ଷିତ ବାହାର କରାଗଲା। ୪ଜଣ ଶ୍ରମିକଙ୍କ ହସ୍ପିଟାଲରେ ମୃତ୍ୟୁ ହୋଇଥିବା ବେଳେ ଆଉ ୪ଜଣଙ୍କର ମୃତଦେହ ବରଫରୁ ଉଦ୍ଧାର କରାଯାଇଛି।
