ନୂଆଦିଲ୍ଲୀ,୦୬/୦୫: ନ୍ୟାୟପାଳିକା ପ୍ରତି ସ୍ୱଚ୍ଛତା ଏବଂ ଜନସାଧାରଣଙ୍କ ବିଶ୍ୱାସ ବୃଦ୍ଧି କରିବା ଦିଗରେ ସୁପ୍ରିମକୋର୍ଟର ବଡ଼ ପଦକ୍ଷେପ । ସାର୍ବଜନୀନ ହୋଇଛି ବିଚାରପତିମାନଙ୍କ ସମ୍ପତ୍ତି ଏବଂ ଦାୟିତ୍ବ । ସମସ୍ତ ବିବରଣୀ ସୁପ୍ରିମକୋର୍ଟ ୱେବସାଇଟରେ ଅପଲୋଡ୍ କରାଯାଇଛି । ତେବେ ଏହା ପ୍ରଥମ ଥର ଯେ ସୁପ୍ରିମକୋର୍ଟ ବିଚାରପତିଙ୍କ ସମ୍ପତ୍ତି ଘୋଷଣା ସାର୍ବଜନୀନ କରିଛନ୍ତି । ଭାରତର ମୁଖ୍ୟ ବିଚାରପତି ସଞ୍ଜିବ ଖାନ୍ନା ଏବଂ ଅନ୍ୟ ୨୦ଜଣ ବିଚାରପତିଙ୍କ ଅପଲୋଡ୍ କରାଯାଇଛି ।
ତେବେ ସିଜେଆଇ ସଞ୍ଜୀବ ଖାନ୍ନାଙ୍କ ସମ୍ପତ୍ତି ମଧ୍ୟରେ ୫୫ ଲକ୍ଷ ଟଙ୍କାର ସ୍ଥାୟୀ ଜମା ଏବଂ ୧ କୋଟି ଟଙ୍କାର ସାର୍ବଜନୀନ ଭବିଷ୍ୟନିଧି ପାଣ୍ଠି ରହିଛି । ସେହିପରି ଏମାନଙ୍କ ମଧ୍ୟରେ ୩ ଜଣ ବିଚାରପତି ମଧ୍ୟ ଅଛନ୍ତି ଯେଉଁମାନେ ନିକଟ ଭବିଷ୍ୟତରେ ସିଜେଆଇ ହେବାକୁ ଯାଉଛନ୍ତି । ପ୍ରକୃତରେ, ବିଚାରପତି ଯଶୱନ୍ତ ବର୍ମାଙ୍କ ସରକାରୀ ବାସଭବନରୁ ଟଙ୍କା ଆଦାୟ ହୋଇଥିବା ଅଭିଯୋଗ ଘଟଣା ପରେ ସିଜେଆଇ ସଞ୍ଜିବ ଖାନ୍ନାଙ୍କ ଅଧ୍ୟକ୍ଷତାରେ ଗଠିତ ପୂର୍ଣ୍ଣ ଅଦାଲତ ଏହି ନିଷ୍ପତ୍ତି ନେଇଥିଲେ । ଦ୍ୱିତୀୟତଃ, ଆହ୍ଲାବାଦ ହାଇକୋର୍ଟର ବିଚାରପତି ଯଶୱନ୍ତ ବର୍ମାଙ୍କ ବିରୋଧରେ ଅଭିଯୋଗ ଉପରେ ସୁପ୍ରିମକୋର୍ଟ ଦ୍ୱାରା ନିଯୁକ୍ତ ଏକ ତିନି ସଦସ୍ୟ ବିଶିଷ୍ଟ କମିଟି ସିଜେଆଇ ସଞ୍ଜିବ ଖାନ୍ନାଙ୍କୁ ତାଙ୍କର ରିପୋର୍ଟ ପ୍ରଦାନ କରିଥିଲେ । ପଞ୍ଜାବ ଏବଂ ହରିୟାଣା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ୍ ଶୀଳ ନାଗୁ, ହିମାଚଳ ପ୍ରଦେଶ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ୍ ଜିଏସ୍ ସନ୍ଧୱାଲିଆ ଏବଂ କର୍ଣ୍ଣାଟକ ହାଇକୋର୍ଟର ଜଷ୍ଟିସ୍ ଅନୁ ଶିବରାମନଙ୍କୁ ନେଇ ଗଠିତ ତିନି ଜଣିଆ କମିଟି ମେ ୩ ତାରିଖରେ ଏହାର ରିପୋର୍ଟକୁ ଚୂଡ଼ାନ୍ତ କରିଥିଲେ ।
