ନୂଆଦିଲ୍ଲୀ,୨୭/୦୫: ଖରା ଦିନେ ଲୋକେ ହିଲ୍ ଷ୍ଟେଶନଗୁଡିକୁ ଭ୍ରମଣ ପାଇଁ ଯାଇଥାନ୍ତି । ଏଭଳି ସ୍ଥିତିରେ ଚଳିତ ବର୍ଷ ଦେଶର ଗ୍ରୀଷ୍ମ ପର୍ଯ୍ୟଟନ ୪୦% ବୃଦ୍ଧି ପରିଲକ୍ଷିତ ହୋଇଛି । ଏହି ଅବଧିରେ ପର୍ଯ୍ୟଟନ ଏବଂ ସେବା କ୍ଷେତ୍ରରେ ଜୋର୍ଦାର ଚାହିଦା ଦେଖାଯାଇଛି । ବିଶେଷଜ୍ଞ କହିଛନ୍ତି ସାଧାରଣ ନିର୍ବାଚନ ଯୋଗୁ କର୍ପୋରେଟ ବୈଠକ, ପ୍ରୋତ୍ସାହନ, ସମ୍ମେଳନ ଏବଂ ପ୍ରଦର୍ଶନୀ (ଏମ୍ଆଇସିଇ) ବ୍ୟବସାୟ କ୍ଷେତ୍ରରେ ସାମାନ୍ୟ ପ୍ରଭାବ ରହିଛି । ତେବେ ହୋଟେଲ ଏବଂ ରିଟେଲ କାରବାରରେ ଉନ୍ନତି ପରିଲକ୍ଷିତ ହୋଇଛି । ଲୋକମାନେ ସମୁଦ୍ର ତଟ ଏବଂ ପାର୍ବତ୍ୟ ଡେଷ୍ଟିନେସନ ଗୁଡିକୁ ଚୟନ କରୁଛନ୍ତି ।
ହୋଟେଲ ଆଣ୍ଡ୍ ରେଷ୍ଟୁରାଣ୍ଟ ଆସୋସିଏସନ ଅଫ୍ ଇଣ୍ଡିଆର ଅଧ୍ୟକ୍ଷ ତଥା ରାଡିସନ ହୋଟେଲ ଅଧ୍ୟକ୍ଷ (ଦକ୍ଷିଣ ଏସିଆ) ବିକେ କାଚରୋ କହିଛନ୍ତି, ଦେଶର ଉତ୍ତର ଭାଗରେ ରହୁଥିବା ଲୋକମାନେ ଗରମରୁ ବଞ୍ଚିବା ଲାଗି ହିଲ୍ ଷ୍ଟେଶନଗୁଡିକୁ ଚୟନ କରୁଛନ୍ତି । ସହର ନିକଟସ୍ଥ ପର୍ଯ୍ୟଟନ ଏବଂ ମନୋରଞ୍ଜନ ସ୍ଥଳଗୁଡିକୁ ଲୋକେ ଯାଉଛନ୍ତି । ଏବର୍ଷ ଗ୍ରୀଷ୍ଣକାଳୀନ ଯାତ୍ରାରେ ବୃଦ୍ଧି ପ୍ରାୟ ୪୦% ରହିପାରେ ।
ମେକ୍ ମାଇଁ ଟ୍ରିପ୍ର ସହ ସଂସ୍ଥାପକ ତଥା ଗ୍ରୁପ ସିଇଓ ରାଜେଶ ମାଗୋ କହିଛନ୍ତି, ବର୍ତ୍ତମାନ ଗ୍ରୀଷ୍ଣକାଳୀନ ଯାତ୍ରା ଜାରି ରହିଛି । ଗତ ବର୍ଷ ତୁଳନାରେ ଚଳିତ ବର୍ଷ ପାରିବାରିକ ଗ୍ରୀଷ୍ଣକାଳୀନ ଯାତ୍ରା କ୍ଷେତ୍ରରେ ୨୦% ଉଦ୍ଧ୍ୱର୍ ଏବଂ ସୋଲୋ ଟ୍ରାଭେଲ କ୍ଷେତ୍ରରେ ୧୦% ଉଦ୍ଧ୍ୱର୍ ବୃଦ୍ଧି ହୋଇଛି । ଗ୍ରୀଷ୍ଣରେ ଅଧିକ ବୁକ୍ ହୋଇଥିବା ଗନ୍ତବ୍ୟ ସ୍ଥଳ ଗୁଡିକ ମଧ୍ୟରେ ହିମାଚଳ ପ୍ରଦେଶ, କଶ୍ମୀର, ଗୋଆ, କେରଳ ସମେତ ପୂର୍ବ ଉତ୍ତର ରାଜ୍ୟ ଗୁଡିକ ଗୁଡିକ କେତେକ ସ୍ଥଳ ରହିଛି । ରୟାଲ ଅର୍କିଡ ହୋଟେଲର ଅଧ୍ୟକ୍ଷ, ଚନ୍ଦର କେ ବାଲାଜି କହିଛନ୍ତି, ପର୍ଯ୍ୟଟନର ଖୁଚୁରା କାରବାର ୨୦% ବୃଦ୍ଧି ପରିଲକ୍ଷିତ ହୋଇଛି । ହିଲ୍ ଷ୍ଟେଶନଗୁଡିକର ହୋଟେଲ ଏବଂ ରିସର୍ଟଗୁଡିକରେ ଭିଡ ରହିଛି ।