ନୂଆଦିଲ୍ଲୀ : ଦିଲ୍ଲୀ ଏନସିଆରରେ ଶୁକ୍ରବାର ସନ୍ଧ୍ୟାରେ ହଠାତ୍ ପାଣିପାଗର ପରିବର୍ତ୍ତନ ଘଟିବାର , ଏହାର ପ୍ରଭାବ ମାଟିରୁ ଆକାଶ ଯାଏ ଦେଖିବାକୁ ମିଳିଛି। ଅନେକ ଅଞ୍ଚଳରେ ପ୍ରଥମେ ପ୍ରବଳ ଝଡ଼ ତୋଫାନ ଏବଂ ପରେ ଖୁବ୍ ବର୍ଷା ଆରମ୍ଭ ହୋଇ ଯାଇଛି। ଝଡ଼ ତୋଫାନ ଯୋଗୁଁ ଗୋଟେପଟେ ଅନେକ ଅଞ୍ଚଳରେ ଗଛ ଭାଙ୍ଗି ଖସି ପଡ଼ିଥିବା ବେଳେ ଅନ୍ୟପଟେ ପାଣିପାଗର ପ୍ରଭାବ ଉଡ଼ାଣ ଉପରେ ମଧ୍ୟ ପଡ଼ିଛି। ଏହି କାରଣରୁ ଦିଲ୍ଲୀ ଏୟାରପୋର୍ଟରେ ୧୫ରୁ ଅଧିକ ବିମାନ ଡାଇଭର୍ଟ କରିଦିଆ ଯାଇଛି।
ସୂଚନା ମୁତାବିକ , ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ଏୟାରପୋର୍ଟ ( ଆଇଜିଆଇଏ)ରେ ୧୫ରୁ ଅଧିକ ଉଡ଼ାଣକୁ ଡାଇଭର୍ଟ କରାଯାଇଛି। ବିମାନ ବନ୍ଦରର ଅପରେଟର DIAL ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସରେ କହିଛି , ଦିଲ୍ଲୀ ରେ ଖରାପ ପାଣିପାଗର କାରଣରୁ , ଦିଲ୍ଲୀ ଏୟାରପୋର୍ଟରେ କିଛି ବିମାନ ପ୍ରଭାବିତ ହୋଇଛି। ଯାତ୍ରୀଙ୍କୁ ପରାମର୍ଶ ଦିଆଯାଇଛି କି, ସେମାନେ ଉଡ଼ାଣ ସଂପର୍କିତ ନୂଆ ଅପଡେଟ୍ ପାଇଁ ନିଜର ସମ୍ୱନ୍ଧିତ ଏୟାରଲାଇନ୍ ଗୁଡ଼ିକ ସହ ସଂପର୍କ କରନ୍ତୁ।
ଇଣ୍ଡିଗୋ କହିଛି ଯେ, ଦିଲ୍ଲୀ ଓ ଜୟପୁରରେ ଧୂଳି ଝଡ଼ ହେଉଛି, ଯେଉଁଥିରେ ଉଡାଣ ଓ ଅବତରଣ ପ୍ରଭାବିତ ହେଉଛି ଏବଂ ସମ୍ଭାବ୍ୟ ଭାବେ ବିମାନ ଯାତାୟାତରେ ସମସ୍ୟା ସୃଷ୍ଟି କରୁଛି। ଅପରେଟର ପୋଷ୍ଟରେ କହିଛି କି ଏଥିରେ ବିଳମ୍ୱ ବା ପରିବର୍ତ୍ତନ( ଡାଇଭର୍ଜନ) ହୋଇପାରେ।
ଆଜି ପ୍ରବଳ ଝଡ଼ବର୍ଷା ହେବ ବୋଲି ପାଣିପାଗ ବିଭାଗ ସତର୍କ କରିଥିଲା। ଏହାସହ ଏକ ଅରେଞ୍ଜ ଆଲର୍ଟ ମଧ୍ୟ ଜାରି କରାଯାଇଛି। ଖରାପ ପାଗ ଯୋଗୁଁ ଲୋକଙ୍କୁ ସତର୍କ ରହିବାକୁ ପାଣିପାଗ ବିଭାଗ କହିଛି।
