ନବରଙ୍ଗପୁର,୧୧/୦୮: ନର୍ସିଂ ଛାତ୍ରୀଙ୍କ ମୃତଦେହ ଗାଁରେ ପହଞ୍ଚିବା ପରେ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି । ଅନ୍ୟପକ୍ଷରେ ୫୦ ଲକ୍ଷ ଟଙ୍କା କ୍ଷତିପୂରଣ ଦାବି କରି ବଙ୍ଗୀୟ ସମାଜ ମୃତଦେହକୁ ଆମ୍ବୁଲାନ୍ସରୁ ଓହ୍ଲାଇ ଦେଉନଥିବା ଅଭିଯୋଗ ହୋଇଛି । ସେପଟେ ବିଜେଡି ନେତା ପ୍ରଦୀପ ମାଝୀଙ୍କ ନେତୃତ୍ୱରେ ଶତାଧିକ ସମର୍ଥକ ଏବଂ କର୍ମୀ ରାଇଘର ଡୁମରୀମୁଣ୍ଡା ଠାରେ ଧାରଣା ଦେଇଛନ୍ତି । ପ୍ରଦୀପ ପୀଡିତାଙ୍କ ପରିବାରକୁ ଭେଟି କ୍ଷତିପୂରଣ ବାବଦକୁ ୧ କୋଟି ଦାବି କରିଛନ୍ତି। କାରଣ ପ୍ରଶାସନର ନିଷ୍କ୍ରିୟତା ଯୋଗୁଁ ରାଜ୍ୟରେ ମହିଳା ଓ ଛାତ୍ରୀ ଅସୁରକ୍ଷିତ । ମହିଳାଙ୍କ ସୁରକ୍ଷା ଦିଗରେ ରାଜ୍ୟ ସରକାର ସମ୍ବେଦନଶୀଳ ନୁହେଁ ବୋଲି ଅଭିଯୋଗ କରିଛନ୍ତି। ତେଣୁ କ୍ଷତିପୂରଣ ନ ମିଳିବା ଯାଏଁ ଆନ୍ଦୋଳନ ଜାରି ରହିବ ବୋଲି ପ୍ରଦୀପ କହିଛନ୍ତି।
ଅନ୍ୟପକ୍ଷରେ ପୀଡିତାଙ୍କ ନ୍ୟାୟ ଦାବିରେ ଆଜି ରାଇଘରରେ ଦୋକାନ ବଜାର ବନ୍ଦ ରହିଥିବା ବେଳେ ଯାନବାହନ ଚଳାଚଳ ବନ୍ଦ ରହିଛି । ସେଭଳି ପୁଲିସ ପ୍ରଶାସନ ପକ୍ଷରୁ ରାଇଘର ଠାରେ ୭ ପ୍ଳାଟୁନ ପୁଲିସ ଫୋର୍ସ ମୁତୟନ କରାଯାଇଛି। ସୂଚନାଯୋଗ୍ୟ ଯେ, ରାଇଘର ନର୍ସିଂ ଛାତ୍ରୀଙ୍କ ଆପତ୍ତିଜନକ ଫଟୋ ଭାଇରାଲ ପରେ ଛାତ୍ରୀ ଜଣଙ୍କ ଲୋକ ଲଜ୍ଜା ସହିନପାରି ପାଇଁ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଦୀର୍ଘଦିନ ଦିନ ଧରି ହସ୍ପିଟାଲରେ ରହିବା ପରେ ଶନିବାର ଭୁବନେଶ୍ଵର ଏମ୍ସରେ ଚିକିତ୍ସାଧୀନ ଅବସ୍ଥାରେ ଛାତ୍ରୀଙ୍କ ମୃତ୍ୟୁ ହୋଇଛି ।
