ନୂଆଦିଲ୍ଲୀ, ୯/୧ : ଆଜିଠାରୁ ସାଉଥ ଆଫ୍ରିକା ଟି-୨୦ ଲିଗ୍ ଆରମ୍ଭ ହୋଇଛି । ଏହି ଲିଗରେ ସାଉଥ ଆଫ୍ରିକା ସମେତ ବିଶ୍ବର ବଡ଼ ବଡ଼ କ୍ରିକେଟର ନଜର ଆସିବେ । ସେହିଭଳି ଭାରତୀୟ କ୍ରିକେଟର ଦିନେଶ କାର୍ତ୍ତିକ ବି ରହିବେ । ପ୍ରକାଶ ଯେ, ପ୍ରଥମ ଥର ହେବ ଯାହାକି ଜଣେ ଭାରତୀୟ କ୍ରିକେଟର କୌଣସି ବିଦେଶୀ ଲିଗରେ ଖେଳିବେ । 

ଏହି ଲିଗର ଆରମ୍ଭ ୨୦୨୨-୨୩ରେ ହୋଇଥିଲା। ଏହା ସାଉଥ ଆଫ୍ରିକା ଟି-୨୦ଲିଗର ତୃତୀୟ ସିଜନ ହେବ । ଉଭୟ ଥର ସନରାଇଜର୍ସ ଇଷ୍ଟର୍ନ କ୍ୟାପ ଟାଇଟେଲ ନିଜ ନାଁରେ କରିନେଇଛି । ଏହି ଟୁର୍ଣ୍ଣାମେଣ୍ଟର ଲିଗ ମ୍ୟାଚ୍ ପରେ ୪ଫେବୃଆରୀରେ ପ୍ରଥମ କ୍ବାଲିଫାୟର , ୫ଫେବୃଆରୀରେ ଏଲିମିନେଟର ଏବଂ ୬ଫେବୃଆରୀରେ ଦ୍ବିତୀୟ କ୍ବାଲିଫାୟର ଖେଳାଯିବ । ଯାହାକି ଜୋହାନ୍ସବର୍ଗର ଓ୍ବାଡରର୍ସ କ୍ରିକେଟ ଷ୍ଟାଡିୟମରେ ୮ଫେବୃଆରୀରେ ଫାଇନାଲ୍ ମ୍ୟାଚ୍ ଖେଳାଯିବ । ସେହିଭଳି ଏହି ସିଜନରେ ପ୍ରାୟ ୩୪ମ୍ୟାଚ୍ ଖେଳାଯିବ । ଭାରତୀୟ ସମୟନୁସାରେ ଅଧିକ ସମୟ ଏହି ମ୍ୟାଚ୍ ପ୍ରାୟ ରାତି ୯ଟା ସମୟରେ ଆରମ୍ଭ ହେବ । ଏହାସହ ମ୍ୟାଚ୍ ସନ୍ଧ୍ୟା ୪ଟା ସମୟ ଏବଂ ୭ଟା ସମୟରେ ଖେଳାଯିବ । 

ଭାରତୀୟ ଫ୍ୟାନ୍ସ ସାଉଥ ଆଫ୍ରିକା ଟି-୨୦ ଲିଗ୍ ମ୍ୟାଚ୍ ଷ୍ଟାର ସ୍ପୋର୍ଟ୍ସରେ ଲାଇଭ୍ ଦେଖିପାରିବେ । ଏହା ବ୍ୟତୀତ ଡିଜ୍ନୀ ପ୍ଲସ ହଟଷ୍ଟାର ଆପରେ ଲାଇଭ୍ ଷ୍ଟ୍ରିମିଂ ମାଧ୍ୟମରେ ଆନନ୍ଦ ନେଇପାରିବେ । SA20  ର ତୃତୀୟ ସିଜନର ପ୍ରାଇଜ ମନି ଅଫିସିଆଲ ପ୍ରକାଶ କରାଯାଇନାହିଁ । କିନ୍ତୁ ମିଡ଼ିଆ ରିପୋର୍ଟ୍ସ ଅନୁସାରେ ଏହି ସିଜନର ବିଜୟୀ ଟିମକୁ ୧୪.୨୦କୋଟି ଟଙ୍କାର ପ୍ରାଇଜ ମନି ଦିଆଯିବ । ଯାହାକି ରନର ଅପ୍ ବ୍ୟତୀତ ନମ୍ବର-୩ରେ ରହିଥିବା ଟିମ୍ ଉପରେ ବି ଟଙ୍କାର ବର୍ଷା ହେବ ।