ନୂଆଦିଲ୍ଲୀ,୧୦/୧୨:ରାଜସ୍ଥାନ ମୁଖ୍ୟମନ୍ତ୍ରୀଙ୍କ ଉପରେ ବର୍ଷିଲେ ଜଣାଶୁଣା ଗାୟକ ସୋନୁ ନିଗମ୍ । ସୋସିଆଲ ମିଡିଆରେ ଏକ ଭିଡିଓ ସେୟାର କରି ବର୍ଷିଛନ୍ତି ସୋନୁ ନିଗମ୍। ଯାହା ସୋସିଆଲ ମିଡିଆେ ବେଶ ଭାଇରାଲ ହେବାରେ ଲାଗିଛି । ତେବେ ଗ୍ଲୋବାଲ ଇନଭେଷ୍ଟମେଣ୍ଟ ସମ୍ମିଳନୀରେ ସୋନୁ ନିଗମ୍ ଫରଫର୍ମ କରୁଥିବା ବେଳେ ରାଜସ୍ଥାନ ମୁଖ୍ୟମନ୍ତ୍ରୀଙ୍କ ସମେତ କିଛି ନେତା କାର୍ଯ୍ୟକ୍ରମ ମଝିରୁ ଉଠିକି ପଳାଇବା ଘଟଣାକୁ ସେ ଭଡ଼କିଥିବା ଜଣାପଡିଛି।
ସୂଚନା ମୁତାବକ, ରାଜସ୍ଥାନରେ ଅନୁଷ୍ଠିତ ଗ୍ଲୋବାଲ ଇନଭେଷ୍ଟମେଣ୍ଟ ସମ୍ମିଳନୀ ୨୦୨୪ର ପ୍ରଥମ ଦିନରେ ଏକ ସଙ୍ଗୀତ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଯେଉଁଥିରେ ମୁଖ୍ୟମନ୍ତ୍ରୀ ଭଜନଲାଲ ଶର୍ମା, ଉପମୁଖ୍ୟମନ୍ତ୍ରୀ ଏବଂ ବହୁ ରାଜନେତା ଅଂଶଗ୍ରହଣ କରିଥିଲେ। ଆଉ ଏହି କାର୍ଯ୍ୟକ୍ରମରେ ସଙ୍ଗୀତ ପରିବେଷଣ କରିବାକୁ ବଲିଉଡ ଗାୟକ ସୋନୁ ନିଗମ ମଧ୍ୟ ପହଞ୍ଚିଥିଲେ । ଏହି ସମୟରେ ଗାୟକ ତାଙ୍କ ଗୀତ ସହିତ କାର୍ଯ୍ୟକ୍ରମରେ ଉପସ୍ଥିତ ସମସ୍ତ ଅତିଥିଙ୍କୁ ମନୋରଞ୍ଜନ କରିଥିଲେ। ହେଲେ ଏହି ସମୟରେ ମୁଖ୍ୟମନ୍ତ୍ରୀ ମଝିରୁ ଉଠି ପଳେଇବା ଘଟଣକୁ ନେଇ ଅସନ୍ତୋଷ ବ୍ଯକ୍ତ କରିଛିନ୍ତି ଗାୟତ । ସେ ଭିଡିଓରେ କହିଛନ୍ତି ଯେ, ଏହି କାର୍ଯ୍ୟକ୍ରମରେ ସେ ସଙ୍ଗୀତ ପରିବେଷଣ କରୁଥିବା ବେଳେ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ ଏବଂ ଅନ୍ୟ ନେତାମାନେ ଉଠି ସେଠାରୁ ଚାଲିଯାଇଥିଲେ। ଯାହା ମୋତେ ବେଶ ଖରାପ ଲଗିଥିଲା । ତେଣୁ ମୁଁ ସମସ୍ତ ନେତାଙ୍କୁ ଏହା ନକରିବାକୁ ଅନୁରୋଧ କରୁଛି। ମୁଁ କେବେବି କୌଣସି ମୁଖ୍ୟ ଅତିଥିଙ୍କୁ ଶୋ ମଝିରୁ ଉଠି ଯିବାର ଦେଖି ନାହିଁ। ଯଦି ଆପଣଙ୍କୁ ଏମିତି ଶୋ ମଝିରୁ ଯିବାକୁ ଅଛି ତେବେ ଦୟକାରି ଆସନ୍ତୁନାହିଁ। ପ୍ରକାଶ ଥାଉକି, ରାଜସ୍ଥାନ ଗ୍ଲୋବାଲ ଇନଭେଷ୍ଟମେଣ୍ଟ ସମ୍ମିଳନୀ ୨୦୨୪ ର ପ୍ରଥମ ଦିନ ବହୁତ ଜବରଦସ୍ତ ଥିଲା। ଏହି କାର୍ଯ୍ୟକ୍ରମ ରାଜସ୍ଥାନର ବୀରତ୍ୱର କାହାଣୀ ଏବଂ ସାଂସ୍କୃତିକ ଐତିହ୍ୟରୁ ଆରମ୍ଭ ହୋଇଥିଲା। ସେହିପରି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ଦେଶ ତଥା ବିଦେଶର ବହୁ ଅତିଥି ଆସିଥିଲେ।
