ମୁମ୍ବାଇ: ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟି ଏବଂ ତାଙ୍କର ବ୍ୟବସାୟୀ ସ୍ବାମୀ ରାଜ କୁନ୍ଦ୍ରା ପୁଣି ଥରେ ଅଡ଼ୁଆରେ ପଡ଼ିଛନ୍ତି । ମନି ଲଣ୍ଡରିଂ ମାମଲାରେ ରାଜ କୁନ୍ଦ୍ରାଙ୍କ ବିରୋଧରେ ଇଡି ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଶିଳ୍ପା ଏବଂ ରାଜଙ୍କ ୯୭ କୋଟି ୭୯ ଲକ୍ଷ ଟଙ୍କାର ସଂପତ୍ତି ଜବତ କରିଛି ପ୍ରବର୍ତ୍ତନ ନିର୍ଦେଶାଳୟ । ଏଥିରେ ଶିଳ୍ପାଙ୍କ ଜୁହୁ ସ୍ଥିତ ଫ୍ଲାଟକୁ ମଧ୍ୟ ଆଟାଚ୍ କରିଛି ଇଡି ।
ଏହା ସହ ପୁଣେର ଥିବା ବଙ୍ଗଳା ଏବଂ ଇକ୍ବିଟି ଶେୟାର ଜବତ ହୋଇଛି । ମହାରାଷ୍ଟ୍ରର ବିଭିନ୍ନ ସ୍ଥାନରେ ରୁଜୁ ହୋଇଥିବା ମାମଲାକୁ ଆଧାର କରି ଯାଞ୍ଚ କରୁଥିଲା ଇଡି । ମେସର୍ସ ଭେରିଏବଲ୍ ଟେକ ପ୍ରାଇଭେଟ୍ ଲିମିଟେଡ୍ ଏବଅ ଅନ୍ୟମାନେ ୬୬୦୦ କୋଟି ଟଙ୍କାର ବିଟକଏନ୍ ହାସଲ କରିଥିଲେ । ମିଥ୍ୟା ପ୍ରତିଶ୍ରୁତି ଆଧାରରେ ୨୦୧୭ରେ ନିବେଶକଙ୍କୁ ପାଖରୁ ନିଆଯାଇଥିଲା ।
ନିବେଶକଙ୍କୁ ୧୦ ପ୍ରତିଶତ ରିଟର୍ଣ୍ଣ ମିଳିବ ବୋଲି ପ୍ରତିଶ୍ରୁତି ମିଳିଥିଲା । କିନ୍ତୁ ସେ ବ୍ୟକ୍ତିଗତ ଫାଇଦା ପାଇଁ ଏହି ଅର୍ଥ ବ୍ୟବହାର କରିଥିଲେ ବୋଲି ଅଭିଯୋଗ ହୋଇଛି । ଏହା ଏକ ପ୍ରକା ପୋଞ୍ଜି ସ୍କାମ । ରାଜ କୁନ୍ଦ୍ରାଙ୍କ ପାଖରେ ଥିବା ୨୮୫ ବିଟକଏନର ମୂଲ୍ୟ ବର୍ତ୍ତମାନ ସମୟରେ ୧୫୦ କୋଟି ଟଙ୍କାରୁ ଅଧିକ ହେବ । ଏହି ମାମଲାରେ ଚଢ଼ାଉ କରି ୩ ଜଣ ଅଭିଯୁକ୍ତଙ୍କୁ ଗିରଫ କରିଥିଲା ଇଡି । ଏବେ ସେମାନେ ଜେଲ୍ରେ ଅଛନ୍ତି । ଏହା ପୂର୍ବରୁ ଇଡି ୬୯ କୋଟି ଟଙ୍କାର ସଂପତ୍ତି ଜବତ କରିଥିଲା ।
