ନୂଆଦିଲ୍ଲୀ,୨।୫: ଚନ୍ଦ୍ର ପୃଷ୍ଠରେ ରହଛି ଆଶାଠାରୁ ଅଧକ ପାଣି। ତେବେ ଏହା ବରଫ ଆକାରରେ ଚଟାଣ ତଳେ ରହିଛ। ଏହାର ବ୍ୟବହାର  ଚନ୍ଦ୍ରରେ ବସତି ପାଇଁ ବ୍ୟବହାର ହୋଇପାରେ। ଏହାର ଖୁଲାସା ଇସ୍ରୋ ପକ୍ଷରୁ କରାଯାଇଛି। ଇସ୍ରୋର ସ୍ପେସ୍‌ ଆପ୍ଲିକେସନ୍ ସେଣ୍ଟର, ଆଇଆଇଟି  କାନପୁର, ୟୁନିଭର୍ସିଟି ଅଫ ସଦର୍ଣ୍ଣ କାର୍ଲିଫର୍ଣ୍ଣିଆ, ଜେଟ୍ ପ୍ରୋପୋଲେସନ୍ ଲାବୋରେଟରୀ ଓ ଆଇଆଇଟି-ଆଇଏସ୍ଏମ୍ ଧନବାଦର ବୈଜ୍ଞାନିକ ଏକାଠି ମିଶି ଏହି ଷ୍ଟଡି କରିଛନ୍ତି। 

ନୂଆ ଷ୍ଟଡିରେ ଏହି ଖୁଲାସା ହୋଇଛି ଯେ,ଚନ୍ଦ୍ରର ମାଟି ଅର୍ଥାତ ଏହାର ପୃଷ୍ଠାଠାରୁ ପ୍ରାୟ ୨-୪ ମିଟର ତଳେ ଆଶାଠାରୁ ଅଧିକ ବରଫ ରହିଛି। ପୂର୍ବ ଅନୁମାନ ତୁଳନାରେ ୫ ରୁ ୮ ଗୁଣା ଅଧିକ ବରଫ ରହିଛି।  ଏହି ବରଫ ଚନ୍ଦ୍ରର ଦକ୍ଷିଣ ମେରୁରେ ରହିଛି। ତେଣୁ ଡ୍ରିଲିଂ କରି ବରଫ ଖୋଜା ଯାଇପାରେ। ଫଳରେ ଭବିଷ୍ୟତରେ ଦୀର୍ଘ ସମୟ ପାଇଁ ମଣିଷ ଚନ୍ଦ୍ରରେ ରହିପାରିବ। ଏହାଦ୍ବାରା ଦୁନିଆର ବହୁ ସ୍ପେସ୍ ଏଜେନ୍ସିକୁ ଲାଭ ମିଳିବ।

ଇସ୍ରୋର କହିବା ଅନୁସାରେ,  ଚନ୍ଦ୍ରର ଉତ୍ତର ମେରୁରେ ଦକ୍ଷିଣ ମେରୁ ତୁଳନାରେ ଦୁଇଗୁଣା ଅଧିକ ବରଫ ରହିଛି। ଚନ୍ଦ୍ରର ମେରୁକୁ ଏହି ବରଫ କେଉଁଠୁ ଆସିଲା ? ଏହାର ଉତ୍ତରରେ ଇସ୍ରୋ କହିଛି, ଏହି ଇମ୍ବ୍ରିୟନ କାଳର ମାମଲା। ସେତେବେଳେ ଚନ୍ଦ୍ର ତିଆରି ହୋଇଥିଲା। ଭାଲକୋନିଜମ୍ ଅର୍ଥାତ ଜ୍ବାଳାମୁଖୀ ଗତିବିଧିରୁ ବାହାରୁଥିବା ଗ୍ୟାସ୍ ଲକ୍ଷାଧିକ ବର୍ଷ ହେବ ଧିରେ ଧିରେ ପୃଥିବୀ ତଳେ ବରଫ ରୂପରେ ଜମା ହେଇ ଚାଲିଥିଲା।