ଶ୍ରୀନଗର, ୨।୫: ଜମ୍ମୁକାଶ୍ମୀର ସାମୀରେ ଜଣେ ଅନୁପ୍ରବେଶକାରୀ ନିହତ ହୋଇଥିବା ସୂଚନା । ବୁଧବାର ସାମ୍ୱା ଜିଲ୍ଲାର ଅନ୍ତରାଷ୍ଟ୍ରୀୟ ସାମୀଠାରେ ବିଏସ୍‌ଏଫ୍ ଯବାନଙ୍କ ଦ୍ୱାରା ଜଣେ ପାକିସ୍ତାନୀ ଅନୁପ୍ରବେଶକାରୀ ନିହତ ହୋଇଥିବା ଜଣାପଡ଼ିଛି । ବୁଧବାର ସନ୍ଧ୍ୟା ୮ ଟା ୨୦ ସମୟରେ ବିଏସ୍ଏଫ୍ ଯବାନମାନେ ସାମ୍ୱା ଜିଲ୍ଲାଠାରେ ଜଣେ ସନ୍ଦିଗ୍ଧ ବ୍ୟକ୍ତି ସୀମା ପାର୍ କରୁଥିବାର ଦେଖିଥିଲେ । ବ୍ୟକ୍ତି ଜଣକ ପାକିସ୍ତାନୀ ଅନୁପ୍ରବେଶକାରୀ ବୋଲି ଜାଣିବାକୁ ପାଇଲେ । ସୈନିକଙ୍କ ଗୁଳି ଚାଳନାରେ ଅନୁପ୍ରବେଶକାରୀ ଜଣକ ପ୍ରାଣ ହରାଇଥିଲେ । 

ଅଧିକାରୀଙ୍କ ସୂଚନା ମୁତାବକ, ସୀମାବର୍ତ୍ତୀ ଅଞ୍ଚଳ ଚୌକି ରିଗଲଠାରେ ଏହି ଗୁଳି ଚାଳନା କରାଯାଇଥିଲା । ଘଟଣାସ୍ଥଳରେ ଟିମ୍ ପହଞ୍ଚି ତଦନ୍ତ ଜାରି ରଖିଛନ୍ତି । ଆଖପାଖ ଅଞ୍ଚଳକୁ କଡ଼ା ସୁରକ୍ଷା ବଳରେ ରଖାଯାଇଛି । ଗତ କିଛି ମାସ ହେବ ଜମ୍ମୁ-କାଶ୍ମୀର ସାମୀବର୍ତ୍ତୀ ଅଞ୍ଚଳରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିିନିମୟ ହେଉଥିବାର ଦେଖାଦେଉଛି । ତେବେ ଏହା ପୂର୍ବରୁ ୨୬ ଏପ୍ରିଲ୍ ବାରାମୁଲା ଜିଲ୍ଲାର ସୋପେର ଅଞ୍ଚଳରେ ରାତିସାରା ଚାଲୁଥିବା ଅପରେସନ୍‌ରେ ସୁରକ୍ଷାକର୍ମୀମାନେ ୨ ଆତଙ୍କବାଦୀଙ୍କୁ ନିହତ କରିଥିଲେ ।