ନୂଆଦିଲ୍ଲୀ : ଯଦି ଆପଣ ବ୍ୟାଙ୍କରେ ଚାକିରି କରିବାକୁ ଇଚ୍ଛୁକ ତ ଆପଣଙ୍କ ପାଇଁ ଏକ ଭଲ ଖବର। ସାର୍ବଜନିକ କ୍ଷେତ୍ର ( ପବ୍ଲିକ ସେକ୍ଟକ) ର ବ୍ୟାଙ୍କ (ପିଏସବି) ବିଭିନ୍ନ ପର୍ଯ୍ୟାୟରେ ନିଯୁକ୍ତି ବୃଦ୍ଧି କରିଛି। ଭାରତୀୟ ଷ୍ଟେଟ୍ ବ୍ୟାଙ୍କ୍ (ଏସବିଆଇ) ୧୩୭୩୫ଟି କ୍ଲର୍କ ପଦର ମେଗା ଭର୍ତ୍ତି ଅଭିଯାନର ନୋଟିଫିକେସନ ଜାରି କରିଛି। ଚାକିରି ଆଶାୟୀଙ୍କ ପାଇଁ ନୂଆ ବର୍ଷ ଖୁସି ଓ ନୂଆ ସୁଯୋଗ ଆଣିବାକୁ ଯାଉଛି। ଆବେଦନ ପ୍ରକ୍ରିୟା ଆଜି ଠାରୁ ଆରମ୍ଭ ହୋଇଛି ଏବଂ ୭ ଜାନୁୟାରୀ ,୨୦୨୫ରେ ବନ୍ଦ ହେବ।
ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ) ସହ ସାର୍ବଜନିତ କ୍ଷେତ୍ରର ବ୍ୟାଙ୍କ୍ ଗୁଡିକରେ ନିଯୁକ୍ତି ସଂଖ୍ୟାରୁ ଜଣାପଡ଼ିଛି କି, ଗତ ବର୍ଷ ତୁଳନାରେ ଚଳିତ ବର୍ଷ ବହୁପ୍ରତୀକ୍ଷିତ ପ୍ରୋବେସନାରୀ ଅଫିସର୍ସ ଓ କ୍ଲର୍କର ମୋଟ ନିଯୁକ୍ତିରେ ଉଲ୍ଲେଖନୀୟ ବୃଦ୍ଧି ହୋଇଛି ତଥା ବ୍ୟାଙ୍କର୍ସଙ୍କୁ ଆଶା ଯେ ଏହା ଟ୍ରେଣ୍ଡ୍ ଆଗାମୀ ବର୍ଷ ମଧ୍ୟ ଜାରି ରହିବ।
ବ୍ୟାଙ୍କିଂ ପର୍ସନାଲ ସିଲେକ୍ସନ (ଆଇବିପିଏସ) ୨୦୨୪ରେ ପ୍ରୋବେସନାରୀ ଅଫିସର , ସ୍ପେଶାଲିଷ୍ଟ ଅଫିସର ଓ କ୍ଲର୍କର ୧୦,୯୭୯ଟି ଭାକାନ୍ସି ପାଇଁ ନୋଟିଫିକେସନ ଜାରି କରିଛି , ଯାହାକି ୨୦୨୩ ରେ ୮,୯୯୬ ଭାକାନ୍ସି ଥିଲା। ୨୦୨୩ ମସିହା ବ୍ୟତୀତ , ରାଷ୍ଟ୍ରୀୟ ବ୍ୟାଙ୍କ ଗୁଡ଼ିକରେ ନିଯୁକ୍ତିରେ ୨୦୨୦ରେ ପୂରଣ ହୋଇଥିବା ୬,୭୨୧ ପଦରୁ ଲଗାତାର ବୃଦ୍ଧି ହୋଇଛି।
ଭାରତୀୟ ଷ୍ଟେଟ୍ ବ୍ୟାଙ୍କ ନିଜ କ୍ଷେତ୍ରରେ ନିଯୁକ୍ତି ପ୍ରକ୍ରିୟା ସଞ୍ଚାଳିତ କରିବାର ଅଛି ଏବଂ କ୍ଲର୍କ ପଦ ପାଇଁ ଏହାର ନିଯୁକ୍ତି ମଧ୍ୟ ୨୦୨୦ରେ ୭,୮୨୦ରୁ ବୃଦ୍ଧି ପାଇ ୨୦୨୩ରେ ୮,୨୮୩ରେ ପହଞ୍ଚିଛି।୨୦୨୪ରେ , ଏହା ୧୩,୭୩୫ କ୍ଲର୍କ ପୋଷ୍ଟକୁ ପୂରଣ କରିବା ପାଇଁ ରେକର୍ଡ ସଂଖ୍ୟକ ନିଯୁକ୍ତ ଅଭିଯାନ ଜାରି ରଖିଛି। ଏସବିଆଇ ପିଓର ଭାକାନ୍ସିରେ ୨୦୨୨ରେ ୧୬୭୩ଟି ପୋଷ୍ଟରୁ ୨୦୨୩ରେ ୨୦୦୦ଟି ବୃଦ୍ଧି ହୋଇଛି।
ନ୍ୟାସନାଲ ସ୍କୁଲ ଅଫ୍ ବ୍ୟାଙ୍କିଂର ପୂର୍ବତନ ନିର୍ଦ୍ଦେଶକ ଓ ଭେପା ଏକାଡେମୀର ବର୍ତ୍ତମାନର ନିର୍ଦ୍ଦେଶକ ସିଏମ୍ ଭେପା ବିଜନେସଲାଇନ୍କୁ କହିଛନ୍ତି, ଏସବିଆଇ ଚଳିତ ବର୍ଷର ପିଓ ପାଇଁ ଏବେସୁଦ୍ଧା ନୋଟିଫିକେସନ ଜାରି କରି ନାହିଁ ଏବଂ ଆମେ ଭାକାନ୍ସି ବୃଦ୍ଧିର ଆଶାର କରିଛୁ।
