ନୂଆଦିଲ୍ଲୀ: ରିଜର୍ଭ ବ୍ୟାଙ୍କର ନୂଆ ଗଭର୍ଣ୍ଣର ସଞ୍ଜୟ ମଲହୋତ୍ରା ଦେଶରେ ବ୍ୟାଙ୍କିଙ୍ଗର ସ୍ଥିତି ଏବଂ ବିକାଶ ସହ ସମ୍ବନ୍ଧିତ ଆହ୍ବାନ ସମ୍ପର୍କରେ ଆଲୋଚନା କରିଛନ୍ତି। ଗଭର୍ଣ୍ଣର ହେବା ପରେ ସଞ୍ଜୟ ମାଲହୋତ୍ରା ପ୍ରଥମ ଥର ପାଇଁ ରିଜର୍ଭ ବ୍ୟାଙ୍କର କେନ୍ଦ୍ରୀୟ ବୋର୍ଡ ବୈଠକରେ ଯୋଗ ଦେଇଥିଲେ। ଏହି ବୈଠକ ରିଜର୍ଭ ବ୍ୟାଙ୍କର କେନ୍ଦ୍ରୀୟ ବୋର୍ଡର ୬୧୨ ତମ ବୈଠକ ଥିଲା । ଏହି ଅବସରରେ ସେ ୨୦୨୩-୨୪ରେ ଭାରତର ବ୍ୟାଙ୍କିଙ୍ଗ ଟ୍ରେଣ୍ଡ ଏବଂ ପ୍ରଗତି ଉପରେ ରିପୋର୍ଟର ସମୀକ୍ଷା କରିଥିଲେ। ତେବେ ଆଜି (ଶୁକ୍ରବାର)ର ଏହି ବୈଠକରେ ଏହା ସହ ଜଡିତ ବିଭିନ୍ନ ଦିଗ ଉପରେ ଆଲୋଚନା କରାଯାଇଥିଲା। ସଞ୍ଜୟ ମଲହୋତ୍ରାଙ୍କ ଅଧ୍ୟକ୍ଷତାରେ ଗୌହାଟୀରେ ଆୟୋଜିତ ଏହି ବୈଠକରେ ରିଜର୍ଭ ବ୍ୟାଙ୍କର କେନ୍ଦ୍ରୀୟ ବ୍ୟାଙ୍କର ସମସ୍ତ ନିର୍ଦ୍ଦେଶକ ଉପସ୍ଥିତ ଥିଲେ।
କେନ୍ଦ୍ରୀୟ ବୋର୍ଡ ବୈଠକରେ ବିଶ୍ବ ଆର୍ଥିକ ଅବସ୍ଥାରେ ଭାରତ ପାଇଁ ସୁଯୋଗ ଏବଂ ଆହ୍ବାନ ମଧ୍ୟ ବିଶେଷ ଭାବରେ ଆଲୋଚନା କରାଯାଇଥିଲା। ଏହା ବ୍ୟତୀତ ଭାରତର ଘରୋଇ ଅର୍ଥନୈତିକ ଭବିଷ୍ୟତକୁ ତ୍ୱରାନ୍ୱିତ କରିବା ଏବଂ ପ୍ରତିବନ୍ଧକକୁ ଦୂର କରିବା ପାଇଁ ପଦକ୍ଷେପ ଗୁଡିକ ଉପରେ ଆଲୋକପାତ କରାଯାଇଥିଲା। ଏହି ଅବସରରେ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସଙ୍କ ଗୁରୁତ୍ୱପୂର୍ଣ୍ଣ ଅବଦାନ ମଧ୍ୟ ସ୍ମରଣ କରାଯାଇଥିଲା। ବିଶେଷକରି ତାଙ୍କ କାର୍ଯ୍ୟକାଳ ମଧ୍ୟରେ ନିଆଯାଇଥିବା ନିଷ୍ପତ୍ତି ଏବଂ ନୂତନ ପଦକ୍ଷେପ ଗୁଡିକ ପ୍ରଶଂସା କରାଯାଇଥିଲା।
ଗଭର୍ଣ୍ଣରଙ୍କ ସମ୍ମୁଖରେ ରିଜର୍ଭ ବ୍ୟାଙ୍କର କେନ୍ଦ୍ରୀୟ କାର୍ଯ୍ୟାଳୟ ବିଭାଗର କାର୍ଯ୍ୟ ଏବଂ ଗତିବିଧିକୁ ମଧ୍ୟ ବିସ୍ତୃତ ଭାବରେ ବର୍ଣ୍ଣନା କରାଯାଇଥିଲା। ଏହି ବୈଠକରେ ଡେପୁଟି ଗଭର୍ଣ୍ଣର ମାଇକେଲ ଦେବବ୍ରତ ପାତ୍ରା, ଏମ ରାଜେଶ୍ୱର ରାଓ, ଟି ରବି ଶଙ୍କର, ଜି ସ୍ବାମୀନାଥନ ଏବଂ କେନ୍ଦ୍ରୀୟ ବୋର୍ଡର ଅନ୍ୟ ନିର୍ଦ୍ଦେଶକ ମାନେ ଉପସ୍ଥିତ ଥିଲେ ।
